«Коронавирус індетін жұқтырдым» деп хабарлаған адамға қанша ақша төленеді?

Қытай билігі «қауіпті коронавирус індетін жұқтырдым» деп өзі айтқан азаматтарға ақша төлей бастады. Atameken Business сайтының мәліметінше, мұндай қадамға әзірге Хубэй провинциясының әкімшілігі барып отыр. Олар коронавирустың таралуын ауыздықтау мақсатында дерттің белгілері туралы хабарлаған адамға 1400 доллар береді. Арнайы әлеуметтік бағдарламаның талабына сай, дене қызуы бар жергілікті тұрғын өз еркімен медициналық мекемелерге жүгінген жағдайда оған 1 мың юань мөлшеріндегі сыйақы тағайындалады. Ал коронавирус симптомдарымен шағымданып, «жұқтыруы мүмкін» деген күдікті пациенттердің тізіміне енгізілсе, 2 мың юань алады. Ең жоғарғы төлемге өз еркімен көмек сұрап, зерттеу нәтижелері бойынша коронавирусты жұқтырғаны дәлелденген науқас ие болады. Оған 10 мың юань, яғни шамамен жарты миллион теңге беріледі. Бұл бағдарлама 2 наурызға дейін жалғасады.