20 Ақпан, 10:21 312 0 Нұр Отан Túrkistan Gazeti

Партияның пәрменімен бір ауыл газбен қамтылды

Nur Otan партиясының Батыс Қазақстан облысына қарасты Қазталов аудандық филиалы Сарықұдық ауылын толығымен газбен қамтамасыз етуге жәрдемдесті.

Сарықұдық ауылындағы Тәуел­сіздік көшесінің тұрғындары газбен жабдықтау мәселесін шешу үшін  Nur Otan партиясының аудандық филиа­лына жүгінген болатын. Айта кетерлігі, бұл ауылға 2019 жылы газ құбыры тар­тылғанымен, бойында фельдшер­лік-акушерлік пункт және 18 тұрғын үй орналасқан Тәуелсіздік көше­сіне ға­на газ жүргізілмей қалған болатын.

Бұл мәселені шешу мақсатында  Nur Otan партиясының Қазталов аудандық филиалы аудандық мәслихат депутаты Н.Жолдыбаевпен кездесу өткізді. Кез­десу нәтижесінде депутат құны 260 000 теңге тұратын газбен жаб­дықтау жо­басына қаражатты өз қал­тасынан жұм­сайтын болып келісілді.

Осылайша, биылғы жылдың қаң­тар айының басында Тәуелсіздік кө­шесінің тұрғындары толығымен газ­бен қамтылды.

Соңғы жаңалықтар