3 Тамыз, 11:16 539 0 Қауіпсіздік "Түркістан" газетінің авторлары

Елордада Сирия бойынша кездесу өтеді

ҚР Сыртқы істер министрлігінің үйлестіруімен 1-2 тамызда Нұр-Сұлтанда өткізілуі жоспарланған Сирия бойынша жоғары деңгейдегі халықаралық кездесудің кезекті 13-ші раундына дайындық жұмыстары толық қарқынмен жүргізілуде.

«Бүгінгі күнге дейін барлық ша­қы­рылған тараптар өздерінің қаты­са­тындығын растады. Атап айтқанда, Ресей делегациясын РФ Президентінің Сирия жөніндегі арнайы өкілі Александр Лаврентьев, Түркия делегациясын ТР сыртқы саяси ведомство басшысының орынбасары Седат Онал басқарады. Иран делегациясына Сыртқы істер министрінің саяси істер жөніндегі жоғары көмекшісі Али Асгар Хаджи басшылық етеді. Сонымен бірге, аталған кездесуге Сириядағы екі қақтығысушы тарап – Сирияның БҰҰ-дағы Тұрақты өкілі Башар әл-Джаафари бастаған САР үкіметтік делегациясы және Ахмад аль-Тоума бастаған қарулы оппозиция қатысады», – делінген   ақпаратта.

Кездесудің жаңалығы – Астана форматындағы бұған дейінгі келіссөздер негізінде қабылданған шешімге сәйкес, Ирак пен Ливан делегацияларының аталған процеске байқаушылар ретінде қатысуы.

«Өкінішке қарай, БҰҰ Бас хатшы­сы­ның Сирия жөніндегі арнайы өкілі Гейр Педерсен денсаулығына байланысты алдағы келіссөздерге қатыса алмайтын болады. БҰҰ делегациясын оның орынбасары басқарады. Бұған қоса, осы күндері сирияаралық келіссөздер шеңберінде өтетін Тұтқындарды босату, қаза тапқандардың денелерін табыстау және із-түзсіз жоғалғандарды іздестіру бойынша жұмыс тобының кезекті кездесуіне қатысу үшін БҰҰ Босқындар істері жөніндегі жоғарғы комиссары басқар­ма­сы және Халықаралық Қызыл Крест Комитетінің өкілдері Нұр-Сұлтанға келеді», – делінген таратылған ақпаратта.

Бұрын өткен сирияаралық келіс­сөз­дерге ұқсас, бірінші күні «жабық есік» жағдайында екіжақты және көпжақты техникалық консультациялар, ал келесі күні жалпы отырыс өтеді. Екі күндік келіссөздердің негізгі нәтижелері Астана процесінің кепілгер мемлекеттерімен қабылданатын Бірлескен мәлімдемесінде баяндалады.

«Түркістан-ақпарат» 

Тэгтер Сирия

Соңғы жаңалықтар