Профессор Қазыбек Жиреншин дүние салды

Қазыбек Жиреншин 2017 жылдың 15 мамырында заң ғылымдарының докторы, Қазақ Гуманитарлық-заң университетінің профессоры Жиреншин Қазыбек Әбусағитұлы 69 жасында қайтыс болды, - деп хабарлайды Tengrinews.kz тілшісі. "Қазыбек Әбусағитұлы - Отанға және сүйікті ісіне қызмет еткен үлгі боларлық адам. Қазақ гуманитарлық-заң университетінің негізі қаланғаннан бері оқу бөлімі, ғылым бөлімдерінде түрлі қызметтер атқарды. Қазақ Гуманитарлық-заң университеті басқармасы төрағасының орынбасары қызметін атқарды. Сонғы жылдары Мемлекет және құқық институтын басқарған. Ол ЖОО-ның құрылуына және еліміздегі білікті мамандарды дайындауға үлкен үлесін қосты. 100-ден аса ғылыми жұмыстың және екі монографияның, сондай-ақ, "Қазақстанның XIX- XX ғасырдың басындағы саяси дамуы" атты еңбектің авторы", - деп жазды Жиреншин жайлы профессордың әріптестері. Қазыбек Әбусағитұлы ұзақ жылдар бойы ҚР БҒМ республикалық жооаралық оқу-әдістемелік секциясын "Құқық" мамандығы бойынша басқарған. Сондай-ақ, профессор  Құрмет", "Қазақстан Республикасы Конституциясының 10 жылдығы" мерейтойлық медалімен марапатталған. Жаназасы 16 мамырда Қазақ гуманитарлық-заң университетінде сағат 8.00-ден 10.00-ге дейін өтеді.