25 Наурыз, 10:30 791 0 Жаңалықтар Асыл ТҰМАР

Жамбыл облысында коронавирус жұқтырған адаммен байланыста болғандар карантинге жабылды

Сурет ғаламтордан алынды
Сурет ғаламтордан алынды

Жамбыл облыстық әкімдіктің баспасөз қызметі өңірде коронавирус инфекциясын жұқтырудың алғашқы дерегі тіркеліп, науқаспен байланыста болған барлық адам карантинге алынғанын айтты.

Белгіленген алгоритмге сәйкес жауапты қызметтердің белсенді әрекеттерінің нәтижесінде ауырған адам стационарлық карантинге оқшауланып, дәрігерлердің бақылауына алынған.

Науқаспен байланыста болған адамдар анықталып, олар да карантинге жабылды.

«Толық ақпарат сағат 10.00-де арнайы брифинг арқылы жұртшылыққа жеткізіледі. Тікелей эфирді «Хабар 24» арнасынан көрулеріңізге болады. Баршаңыздан сабырлық танытуды сұраймыз. Барлық жағдай бақылауда», – делінген хабарламада.

Сондай-ақ, ведомство әлеуметтік желі мен мессенджерде жалған ақпараттың таралуына байланысты тұрғындарды расталмаған хабарламаға сенбеуге және жібермеуге шақырады. Ол үшін қылмыстық жауапкершілік көзделген.

Еске сала кетсек, Жамбыл облысында коронавирус жұқтырған адам 1979 жылғы ер азамат екені белгілі болды. Ол өңірге Қырғызстаннан келген.

Соңғы жаңалықтар