«Ішек инфекциясы белгілері бар»: Екібастұзда тойға келген қонақтар жаппай уланып қалды
Ауруханаға жалпы саны 32 адам қаралған.
Қалалық ауруханаға отыз шақты адам жүгінген, деп хабарлады Pavlodarnews.kz.
Павлодар облысының денсаулық сақтау басқармасы баспасөз қызметінің мәліметінше, 14 сәуірден бастап қалалық аурухананың инфекциялық бөлімшесіне тамақтан улану және бактериялық ішек инфекциясы белгілері бар пациенттер жаппай жүгінді.
Қалалық санитарлық-эпидемиологиялық бақылау басқармасы тамақтан улану жағдайы бойынша басқарма мейрамханаға қатысты ҚР Кәсіпкерлік Кодексіне сәйкес жоспардан тыс тексеру жүргізіп жатқанын хабарлайды.