«Nur Otan» Ақтаудағы онкологиялық диспансердің құрылыс жұмыстарымен танысты

«Nur Otan» партиясы Төрағасының Бірінші орынбасары Б.Қ.Байбектің 2019 жылғы 9 шілдеде Маңғыстау облысына жұмыс сапары барысында «Qutty meken» ұлттық жобасы аясында Ақтау қаласындағы 100 орындық онкология диспансері құрылысының мерзімінде аяқталуын «Nur Otan» партиясы Маңғыстау облыстық филиалына тапсырылған болатын. Ағымдағы жылдың 12 тамыз күні аталған тапсырмаға сәйкес партиялық бақылау комиссиясы онкологиялық диспансердің құрылыс жұмыстарымен танысты. Бекітілген кестеге сәйкес құрылыс-монтаж жұмыстары толық аяқталды. Шетелден келген арнайы мамандар медициналық құрал-жабдықтарды орнату үстінде. Қазіргі таңда медициналық құрал-жабдықтардың жобамен 60 %-ы келген. Ал қалған жабдықтар қазіргі кездегі әлемде өршіп тұрған індетке байланысты кешігуде. Жыл соңына дейін толығымен аяқталып, халықтың игілігіне беріледі деп жоспарлануда.