19 ناۋرىز, 12:13 758 0 ەكونوميكا انار لەپەسوۆا

ۇلتتىق بانك پەن KASE تەڭگە كۋرسىنا قاتىستى مالىمدەمە جاسادى

قازاقستاننىڭ ۇلتتىق بانكى مەن "قازاقستاندىق قور بيرجاسى" اق تەڭگە كۋرسى جونىندە ورتاق مالىمدەمە جاسادى. 

Brent ماركالى مۇناي باعاسى باررەلىنە 25 دوللارعا جەتىپ، ءبىر كۇندە 14%-عا تومەندەپ كەتتى. بۇل كورسەتكىش جىل باسىنان بەرى 60%-عا ءتۇسىپ كەلەدى. الەمدىك قور جانە ۆاليۋتالىق نارىقتاردا باعانىڭ ءتۇسۋ ءۇردىسى جالعاسۋدا.

رەسەيلىك رۋبل ءبىر كۇندە 7.3%-عا، جىل باسىنان بەرى 30%-دان استام كورسەتكىشكە السىرەدى. وسى جاعدايلارعا سايكەس، ىشكى ۆاليۋتالىق نارىققا سىرتقى فاكتورلاردىڭ تۇراقسىزدىق تۋدىرۋشى اسەرلەرىن شەكتەۋ مەن قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋگە كومەكتەسۋ ماقساتىندا ۇلتتىق بانك پەن "قازاقستاندىق قور بيرجاسى" اق-مەن بىرىگە وتىرىپ، 19 مەن 20 ناۋرىزدا فرانكفرۋتتىق اۋكتسيون ۇلگىسىندە تەڭگە-دوللار قارجى جۇبى بويىنشا ساۋدا-ساتتىق وتكىزۋ شەشىمىن قابىلدادى.

فرانكفرۋتتىق اۋكتسيون تۇرىندەگى ساۋدا-ساتتىقتى وتكىزۋ تۋرالى شەشىم كليەنتتەردىڭ وتىنىمدەرىن قاناعاتتاندىرۋعا سەپتىگىن تيگىزىپ، قارجى نارىعىنداعى تۇراقسىزداندىرۋ وقيعاسىنا جول بەرمەيدى. ساۋدا-ساتتىقتىڭ الداعى رەجيمى جونىندە رەسمي مالىمدەمەلەر ارقىلى ايتىلاتىن بولادى.

سوڭعى جاڭالىقتار