16 ناۋرىز 2020, 15:37 834 0 ەكونوميكا انار لەپەسوۆا

پرەزيدەنت: قازاقستاننىڭ حالىقارالىق رەزەرۆتەرى 90 ملرد دوللارعا جەتتى

مەملەكەت باسشىسى قاسىم-جومارت توقاەۆ كوروناۆيرۋس پاندەمياسىنىڭ ەل ەكونوميكاسىنا اسەرى تۋرالى پىكىر ءبىلدىردى. 

«كوروناۆيرۋستىڭ الەمدىك ەكونوميكاعا قالاي كەرى ىقپال ەتكەنىن كوردىك. ءىس جۇزىندە بۇكىلالەمدىك ەكونوميكالىق جۇيەنى قايتا جاڭعىرتۋ ماسەلەسى قويىلىپ وتىر. قازاقستان دا وسى اۋقىمدى داعدارىستىڭ سالدارىن سەزىنۋدە»، - دەدى پرەزيدەنت قازاقستاندىقتارعا جولداعان ۇندەۋىندە.

قاسىم-جومارت توقاەۆتىڭ ايتۋىنشا، ەكونوميكالىق كاتاكليزمدەرگە قاراماستان، الەۋمەتتىك شيەلەنىس پەن جۇمىسسىزدىقتىڭ ارتۋىنا جول بەرمەس ءۇشىن بارلىق شارالار قولدانىلادى.

«ەلباسى نۇرسۇلتان نازارباەۆتىڭ سارابدال ساياساتىنىڭ ارقاسىندا ەلىمىزدىڭ حالىقارالىق رەزەرۆتەرى شامامەن 90 ملرد دوللارعا جەتتى. بۇل – ەكونوميكامىزدىڭ تۇراقتىلىعىن ساقتاۋدىڭ جانە مەملەكەتتىڭ الەۋمەتتىك مىندەتتەمەلەرىن ورىنداۋدىڭ ماڭىزدى كەپىلى. ءبىز بيۋدجەتتىك شىعىنداردى ماكسيمالدى ءتيىمدى بولاتىن باعىتتارعا قايتا بۇرامىز. وتاندىق كاسىپكەرلەردى قولداۋعا جانە جاڭا جۇمىس ورىندارىن قۇرۋعا كەم دەگەندە 300 ملرد تەڭگە بولىنەدى»، - دەدى مەملەكەت باسشىسى.

سوڭعى جاڭالىقتار