27 اقپان, 16:02 1170 0 كولىك انار لەپەسوۆا

قوستانايدا شىعارىلاتىن كولىكتەر ەكسپورتتالماق

قوستاناي وبلىسىنىڭ اكىمى ارحيمەد مۇحامبەتوۆ تاشكەنت قالاسىنداعى قازاقستان مەن وزبەكستاننىڭ 2-ءشى ايماقارالىق ىنتىماقتاستىق فورۋمىنا قاتىستى، دەپ حابارلايدى وبلىس اكىمىنىڭ ءباسپاسوز قىزمەتى.

قوس ەلدىڭ ۇكىمەت باسشىلارى قاتىسقان جيىندا اگروونەركاسىپتىك، ونەركاسىپتىك كووپەراتسيا، ونەركاسىپ جانە تۋريزم سالاسىنداعى وڭىرلىك بيزنەستىڭ ىنتىماقتاستىعى تۋرالى ماسەلەلەر تالقىلاندى. ايتۋلى شارادا قوستاناي وبلىسىنىڭ اكىمى ارحيمەد مۇحامبەتوۆ ءوڭىردىڭ اۆتوكولىك شىعارۋ سالاسىن تانىستىردى.

«وزبەكستان رەسپۋبليكاسىنىڭ ايماقتارىمەن وتكەن جىلعى ساۋدا اينالىمى 34,9%-عا ءوسىپ، 150 ملن اقش دوللارىنا جەتتى. فورۋمدا 2020-2021 جىلدارعا ارنالعان تاشكەنت وبلىسىنىڭ حوكيمياتى مەن قوستاناي وبلىسىنىڭ اكىمدىگى اراسىنداعى ءوزارا ىنتىماقتاستىق تۋرالى مەموراندۋمعا قول قويىلدى. ءوزارا ارىپتەستىك اياسىندا قازاقستان رەسپۋبليكاسىنىڭ اۋماعىندا وندىرىلگەن اۆتوموبيلدەردى ساتۋ جانە ەكسپورتتاۋ ءۇشىن «Avtosanoat invest» جشق، «سارىارقااۆتوپروم» جشس جانە «گرۋپپا كومپانيا الليۋر» اق اراسىنداعى بىرلەسكەن كاسىپورىن تۋرالى كەلىسىمدى ىسكە اسىرۋ جونىندەگى ءىس-شارالار جوسپارى جاسالدى»، - دەلىنگەن ءباسپاسوز قىزمەتىنىڭ اقپاراتىندا.

 

سوڭعى جاڭالىقتار