27 اقپان, 08:35 855 0 ساياسات Túrkistan Gazeti

اسسامبلەيا ساراپتامالىق قىزمەتىن كۇشەيتەدى

نۇرسۇلتان نازارباەۆ قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆتى قابىلدادى، – دەپ حابارلايدى ەلباسىنىڭ ءباسپاسوز قىزمەتى.

كەزدەسۋ بارىسىندا ەلباسىنا قازاقستان حالقى اس­سامبلەياسىنىڭ جانە وڭىرلىك دوستىق ۇيلەرىنىڭ جۇمىس جوسپارىنىڭ ورىندالۋى تۋرالى اقپارات ۇسىنىلدى.

ەلباسى قازاقستان حالقى اسسامبلەياسىنىڭ اپپارا­تى مادەني جانە ويىن-ساۋىق ءىس-شارالارعا ەمەس، ەڭ الدىمەن ساراپتامالىق جۇمىستارعا باسا ءمان بەرۋ كە­رەگىن اتاپ ءوتتى.

– ءبىز 30 جىلدىڭ ىشىندە قازاقستاندىقتاردىڭ ءبىر­لىگى مەن تۇتاستىعىنىڭ ارقاسىندا بۇگىنگى جەتىستىكتەرگە قول جەتكىزدىك. كوپۇلتتى مەملەكەت بولۋىمىز – ءبىزدىڭ ارتىقشىلىعىمىز،  – دەدى قازاقستان حالقى اسسامبلەياسىنىڭ توراعاسى.

نۇرسۇلتان نازارباەۆ قازاقستان حالقى اسسامبلەياسى اپپاراتى مەن وڭىرلىك وكىلدىكتەرىنىڭ قىزمەتىن جان­داندىرۋ ءۇشىن اۋديت وتكىزۋدى تاپسىردى.

ج.تۇيمەباەۆ اسسامبلەيانىڭ عىلىمي-ساراپتاما­لىق قىزمەتىن كۇشەيتۋ جانە ەتنوسارالىق قاتىناستار سالاسىندا زەرتتەۋلەر جۇرگىزۋ بويىنشا قابىلدانعان شارالار تۋرالى باياندادى.

سونىمەن قاتار ەلباسى باس ءمۇفتي ناۋرىزباي قاجى تاعانۇلىن قابىلدادى.

كەزدەسۋ بارىسىندا ءدىن سالاسىنىڭ قازىرگى احۋالى تال­قىلانىپ، قازاقستاننىڭ تاريحي جانە رۋحاني باي­لىعىن ساقتاۋعا باعىتتالعان شارالارعا نازار اۋ­دارىلدى.

 

سوڭعى جاڭالىقتار