26 اقپان, 12:30 335 0 الەۋمەت انار لەپەسوۆا

تارازدا قىزمەتىنەن شەتتەتىلگەن ديرەكتور مۇعالىمدىك جۇمىسقا قايتا ورنالاستى

سۋرەت ينتەرنەتتەن الىندى
سۋرەت ينتەرنەتتەن الىندى

24 اقپاندا تاراز قالالىق ءبىلىم بولىمىنە قاراستى № 43 ورتا مەكتەپ مۇعالىمىنىڭ وتىنىشىنە بايلانىستى جامبىل وبلىس اكىمىنىڭ تاپسىرماسىمەن جۇمىس كوميسسياسى قۇرىلدى. 

جامبىل وبلىسى اكىمدىگى ءباسپاسوز قىزمەتىنىڭ حابارلاۋىنشا، قۇرامىنا ءبىلىم باسقارماسىنىڭ، سالالىق كاسىپوداق، ۇكىمەتتىك ەمەس ۇيىم وكىلدەرى ەنگەن كوميسسيا داۋ تۋدىرعان بەينەروليكتە ايتىلعان بارلىق فاكتىلەر بويىنشا تەكسەرۋ شارالارىن جۇرگىزۋدە. وندا كەلتىرىلگەن فاكتىلەر راستالعان جاعدايدا ماتەريالدار قۇقىق قورعاۋ ورگاندارىنا جىبەرىلەدى.

تاراز قالاسى اكىمدىگىنىڭ ءبىلىم ءبولىمىنىڭ جەكە ەڭبەك داۋلارىن شەشۋ جونىندەگى كەلىسۋ كوميسسياسىنىڭ شەشىمىمەن  ك.بورىمبەكوۆا №43 ورتا مەكتەبىنىڭ قازاق ءتىلى ءپانىنىڭ مۇعالىمى قىزمەتىنە قايتا قابىلداندى.

ال، تاراز قالاسىنداعى № 43 مەكتەپ ديرەكتورى ە. ومىربەكوۆا ۋاقىتشا قىزمەتىنەن بوساتىلدى.

قازىرگى كەزدە بۇل ماسەلەنى وبلىستىق ءبىلىم بەرۋ سالاسىندا ساپانى قامتاماسىز ەتۋ دەپارتامەنتىنىڭ،  وبلىستىق ءبىلىم باسقارماسىنىڭ، تاراز قالاسى اكىمدىگىنىڭ جانە "Nur Otan"  پارتياسى وكىلدەرىنىڭ قاتىسۋمەن اتالعان ماسەلە جان-جاقتى زەردەلەنۋدە.

تەكسەرۋ ءىس-شارالارى تولىق اياقتالعاننان كەيىن قولدانىستاعى زاڭناما تالاپتارىنا سايكەس ناقتى شەشىم قابىلداناتىن بولادى.

بۇگىنگى تاڭدا مەكتەپ قالىپتى رەجيمدە جۇمىس ىستەپ،  وقۋشىلار ساباققا قاتىسۋدا. بارلىق ساباقتار كەستەگە سايكەس وتۋدە.

 

سوڭعى جاڭالىقتار