26 اقپان, 11:29 298 0 ايماق انار لەپەسوۆا

پاۆلوداردا 31 ەلدى مەكەندى سۋ باسۋ قاۋپى بار

ەرتىس وڭىرىندە قىزىل سۋ باسۋى ىقتيمال 31 ەلدى مەكەن انىقتالدى. بۇگىندە سالالىق مەكەمەلەر ارنايى تەحنيكا مەن جەكە قۇرامدارىن دايارلاپ قويعان. 

تەحنيكا مەن مامانداردىڭ ازىرلىگى "كوكتەم" ارنايى وقۋ-تاكتيكالىق جاتتىعۋلاردا پىسىقتالدى، دەپ حابارلايدى baq.kz

وبلىستىق توتەنشە جاعدايلار دەپارتامەنتىنىڭ باستىعى ەرنۇر وتەگەنوۆتىڭ حابارلاۋىنشا، بۇگىندە قار سۋىنان كەلەتىن قاۋىپتى الدىن الۋ ماقساتىندا تاس جولدار مەن تەمىرجولداردىڭ بويىندا سۋ وتكىزۋ قۇبىرلارى تازارتىلىپ جاتىر.

"جالپى ايماقتا سۋ تاسۋ ەكى كەزەڭ بويىنشا وتەدى. العاشقىسى قاردىڭ ەرۋى بولسا، ەكىنشىسى – سۋ قويمالارىنان كەلەتىن سۋ. جىل سايىن شىعىس قازاقستان وبلىسىنداعى ءشۇلبى سۋ قويماسىنان سۋ جىبەرىلىپ، ەرتىس وزەنىنە قۇيىلاتىنى بەلگىلى. سالدارىنان وبلىس ورتالىعىنا جاقىن ماڭداعى لەنين كەنتى مەن كەنجەكول اۋىلدارىنا قاۋىپ تونەدى. سول سەبەپتى دايىندىق جۇمىستارى قازىردەن قولعا الىندى", – دەيدى ەرنۇر وتەگەنوۆ.

سۋ باسۋى قاۋپى بار اۋىلداردىڭ قاتارىندا اقسۋ قالاسىندا وزەن بويىنداعى ەلدىمەكەندەر – قاراعاندى وبلىسىنىڭ اقجار بوگەتىنىڭ ايماعىنداعى باياناۋىل اۋدانى جانە اقمولا وبلىسىنداعى سۋ قويماسىنان زارداپ شەگۋى ىقتيمال اقتوعاي اۋدانىنىڭ اۋىلدارى بار. ولاردىڭ ىشىندەگى ەڭ ءىرىسى اۋىل - كەنجەكولدە 9 مىڭنان استام حالىق بار.

قار ەرىپ، سۋ ەلدى مەكەندەرگە كىرىپ كەتسە، وڭىردە تاسقىنمەن كۇرەس جۇمىستارىنا 600-دەن استام قۇتقارۋشى مەن ارنايى تەحنيكانىڭ 600 بىرلىگى دايىن.

مەتەرەولوگيالىق قىزمەت ماماندارىنىڭ حابارلاۋىنشا، الداعى ۋاقىتتا قار ءتۇسۋى مۇمكىن. قاڭتار ايىندا جاۋعان جاۋىن-شاشىننىڭ كولەمى ەكى ايلىق نورمادان اسقان. ايتا كەتەيىك، بيىلعى قىستاعى جاعداي ءۇش جىل بۇرىن بايقالعان.

تەگتەر سۋ تاسقىنى

سوڭعى جاڭالىقتار