26 اقپان, 09:44 1297 0 جاھان انار لەپەسوۆا

يراندا ۆيتسە-مينيستر مەن دەپۋتاتتان كوروناۆيرۋس انىقتالدى (ۆيدەو)

يراننىڭ پارلامەنت دەپۋتاتى ماحمۋد سادەكيدىڭ كوروناۆيرۋس جۇقتىرعانى ءمالىم بولدى. بۇل تۋرالى ساياساتكەردىڭ ءوزى Twitter پاراقشاسىندا حابارلادى، دەپ جازادى ريا نوۆوستي. 

"كوروناۆيرۋستى انىقتاۋعا ارنالعان سىناق وڭ ناتيجە كورسەتتى. مەن بۇل تۋرالى ارى قاراي ءومىر سۇرە الاتىنىما  ءۇمىتىم بولماعاندىقتان حابارلاپ تۇرمىن", - دەپ جازدى دەپۋتات الەۋمەتتىك جەلىدە. 

ايتا كەتەيىك، بۇعان دەيىن وسى ەلدىڭ دەنساۋلىق ساقتاۋ ءمينيسترىنىڭ ورىنباسارى يرادج حاريرچيدەن كوروناۆيرۋس انىقتالعانى حابارلانعان.

سوڭعى دەرەك بويىنشا، يراندا قاۋىپتى ۆيرۋستان قازا تاپقانداردىڭ سانى 19 ادامعا جەتكەن. دۇنيەجۇزىلىك دەنساۋلىق ساقتاۋ ۇيىمى بۇل جاعدايعا الاڭداۋلى.

ءوز كەزەگىندە اقش-تىڭ مەملەكەتتىك حاتشىسى  مايك پومپەو يران دەرت قۇرباندارىنىڭ ناقتى سانىن جاسىرىپ وتىر دەگەن كۇدىگىن ءبىلدىردى.ول بارلىق ەلدەردى كوروناۆيرۋس جايلى دەرەكتەردى بۇركەمەلەمەۋگە شاقىردى.

 

سوڭعى جاڭالىقتار