26 اقپان, 09:23 347 0 جاھان انار لەپەسوۆا

كوروناۆيرۋسپەن كۇرەس: ترامپ كونگرەستەن 2,5 ملرد دوللار سۇرادى

U.S. President Donald Trump holds a news conference at the 50th World Economic Forum (WEF) in Davos, Switzerland, January 22, 2020. REUTERS/Jonathan Ernst
U.S. President Donald Trump holds a news conference at the 50th World Economic Forum (WEF) in Davos, Switzerland, January 22, 2020. REUTERS/Jonathan Ernst

اقش پرەزيدەنتى دونالد ترامپ اكىمشىلىگى كوروناۆيرۋسپەن كۇرەس ءۇشىن كونگرەستەن قوسىمشا 2,5 ميلليارد دوللار سۇرادى.

بۇل قارجىنى قاۋىپتى دەرتكە قارسى ۆاكتسينا جاساپ شىعارۋ مەن ىندەتتىڭ تارالۋىنا توسقاۋىل قويۋ سىندى شارالارعا جۇمساۋ كوزدەلىپ وتىر.

بۇگىندە اقش-تا ۆيرۋستى جۇقتىرعانداردىڭ سانى 53-كە جەتكەن. ولاردىڭ 39-ى – جاپونياداعى Diamond Princess لاينەرىنەن ەۆاكۋاتسيالانعان ازاماتتار.

اق ءۇي باسشىسى ەلدە كوروناۆيرۋس تولىق باقىلاۋدا ەكەنىن مالىمدەدى.

ايتا كەتەيىك، بۇعان دەيىن كوروناۆيرۋستىڭ تارالۋىنا بايلانىستى يتاليادا دجوردجيو ارماني ءسان ءۇيىنىڭ جاڭا توپتاماسىنىڭ كورسەتىلىمىنە كورەرمەندەرسىز وتكەنىن حابارلاعانبىز. ەلدە قاۋىپتى ىندەتتىڭ ورشۋىنە بايلانىستى دجوردجيو ارماني  جاڭا توپتاماسىنىڭ تانىستىرىلىمىن قوناقتارسىز وتكىزۋگە شەشىم قابىلداعان. ءسان ءۇيىنىڭ ءباسپاسوز قىزمەتى دجوردجيو ءارمانيدىڭ مۇنداي قادامعا قوناقتاردىڭ قاۋىپسىزدىگى ءۇشىن بارعانىن حابارلادى.

سوڭعى جاڭالىقتار