26 اقپان, 08:42 242 0 الەۋمەت انار لەپەسوۆا

سوعىس ارداگەرلەرىنە 300 مىڭ تەڭگەدەن بەرىلەدى

سۋرەت اشىق دەرەككوزدەن الىندى
سۋرەت اشىق دەرەككوزدەن الىندى

جەڭىستىڭ 75 جىلدىعىنا وراي اتىراۋ وبلىسىندا سوعىس ارداگەرلەرى 300 مىڭ تەڭگەدەن سىياقى الماق.

بۇگىندە اتىراۋ وبلىسىندا 9 سوعىس ارداگەرى تۇرادى. ونىڭ سەگىزى اتىراۋ قالاسىنىڭ تۇرعىنى بولسا، بىرەۋى جىلىوي اۋدانىنىڭ ازاماتى. ارداگەرلەردىڭ اراسىندا جاسى ەڭ ۇلكەنى – ايدىن ايباروۆ بيىل 99 جاسقا تولادى.

اتىراۋ وبلىستىق ارداگەرلەر كەڭەسىنىڭ توراعاسى قاتيموللا ريزۋانوۆتىڭ ايتۋىنشا، ارداگەرلەردىڭ ارقايسىسىنا 300 مىڭ تەڭگە قارجىلاي سىياقىدان بولەك، NCOC كومپانياسىنىڭ دەمەۋشىلىگىمەن  750 مىڭ تەڭگەنىڭ سەرتيفيكاتى بەرىلەدى. سەرتيفيكاتتىڭ جارامدىلىق مەرزىمى – ءبىر جىل. وعان ارداگەرلەر كوڭىلى قالاعان زاتىن ساتىپ الۋىنا بولادى ەكەن. 

 

سوڭعى جاڭالىقتار