25 اقپان, 12:33 398 0 جاڭالىقتار انار لەپەسوۆا

Air Astana تاريفتەرىن تومەندەتەدى

قازاقستاننىڭ پرەزيدەنتى «اشىق اسپان» باعدارلاماسى ارقىلى ەلىمىزگە كوبىرەك اۋە­كوم­پانيالاردى تارتۋ قاجەتتىلىگىنە ەرەكشە نازار اۋداردى. سونىمەن قاتار ەل ىشىندەگى اۋەتاسى­مال­دارعا قولجەتىمدى تاريفتەر ار­قى­لى قازاقستان ازاماتتارىنىڭ مو­بيلدىگىن قامتاماسىز ەتۋ قاجەت­تىلىگىن اتاپ ءوتتى. فوستەر مىرزا Air Astana تولىعىمەن «اشىق اسپان» باع­دارلاماسىن جانە قازىرگى تاڭدا قازاقستان­دىق تاسىمالداۋشىلار ورىندامايتىن باعىت­تاردا اۋە كەڭىستىگىنىڭ 5-ءشى دەڭگەيىن شەتەل اۋە­كومپانيالارىنا بەرۋدى قولدايتىنىن ايت­تى.

اۋەتاسىمالدارعا تاريفتەر جايىندا فوستەر مىرزا FlyArystan ىشكى باعىتتاردا الەم­دەگى ەڭ ارزان تاريفتەردىڭ ءبىرىن ۇسىنا­تى­نى، سونىڭ ناتيجەسىندە قازاق­ستان الەمدەگى اۋە تاسىمالى بويىنشا ىشكى نارىعى جىلدام دامىپ كەلە جاتقان ەلدەردىڭ قاتارىنا قوسىلعانى تۋرالى حابارلادى. دەگەنمەن پيتەر فوستەر اۋە­بيلەتتەرىنە سۇرانىس شارىق­تاعان كەزدە، تۋرا ۇشار الدىندا ساتىپ الىناتىن ەكو­نوم-كلاستاعى تاريفتەر ءبىرشاما جو­عارى بولۋى مۇمكىن دەپ مويىندادى جانە نۇر-سۇلتان مەن الماتى، الماتى مەن اتىراۋ، نۇر-سۇلتان مەن اتىراۋ ارا­سىن­دا­عى با­عىتتاردا بۇل تاريفتەردى تەز ارا­دا 10%-عا تومەندەتۋگە مىندەتتەمە بەر­دى.

پرەزيدەنت توقاەۆ دۇنيەجۇزىلىك قار­جى ور­تالىقتارىنا رەيستەردى اشۋ تۋرالى، اتاپ ايت­قاندا قازاقستان مەن سينگاپۋر ارا­سىنداعى رەيستەردى اشۋ تۋرالى ءسوز قوزعادى. فوس­تەر مىرزا سينگاپۋر قا­زاقستاندىقتارعا ءبىرشاما قىمبات باعىت بولعانىمەن سينگاپۋر ازاماتتارى­نىڭ قازاقستانعا ساپار شەگۋ الەۋەتى، ءاسى­رەسە وزبەكستانعا قوسا بارعاندا زور دەدى. فوستەر مىرزا سينگاپۋردان كوشپەلى تۋ­­ريزمدى دامىتۋ ءۇشىن جانە بيىل تىكەلەي رەيستەر اشۋ ءۇشىن مادەنيەت جانە سپورت مينيسترلىگىمەن جۇمىس ىستەۋگە مىندەتتەلدى. Air Astana باسشىسى كومپانيانىڭ اۋە پاركىن جاڭارتۋ بويىنشا شارالار تۋرالى باياندادى. قا­زىرگى تاڭدا Boeing-757 ۇشاقتارى ۇزاق جول­عا ارنالعان Airbus ا321LR اۋە كەمەسىنە الماس­تى­رىلىپ جاتىر، ال 2023 جىلعا دەيىن Boeing-767 ۇشاقتارى Boeing-787 ۇشاقتارى­مەن الماستىرىلادى. فوستەر مىرزا Boeing-757 ۇشاقتارى اۋەكومپانياسى فلوتىنان شى­عارىلعاننان كەيىن Air Astana الەمدەگى ەڭ جاڭا ۇشاقتار اۋەپاركىنىڭ ءبىرى بولىپ، 2022 جىلدىڭ سوڭىندا جالپى ۇشاق سانى 54 بىرلىككە دەيىن جەتپەك دەدى. كەزدەسۋ سوڭىندا پرە­زيدەنت توقاەۆ ەلىمىزدىڭ كولىك ينفرا­قۇرى­لىمىنىڭ دامۋىندا
Air Astana-نىڭ ماڭىز­دى ۇلەسىن اتاپ ءوتتى. فوستەر مىرزا مەم­لە­كەت باسشىسىن ۇلتتىق تاسىمالداۋشى اۆيا­تسيا سالا­سىنداعى بارلىق ۇلتتىق باسىم­دىقتاردى تولىعىمەن جۇزەگە اسىرۋعا قامتاماسىز ەتەتىنىنە سەندىردى.

سەرىك ءالىمجانوۆ،

 الماتى

 

سوڭعى جاڭالىقتار