25 اقپان, 11:38 347 0 ىشكى ساياسات انار لەپەسوۆا

قوردايداعى قاقتىعىستان كەيىن قوزعالعان قىلمىستىق ىستەر سانى 120-عا جەتتى

قوردايداعى جاپپاي تارتىپسىزدىكتەن كەيىن 120 قىلمىستىق ءىس بويىنشا تەرگەۋ امالدارى جۇرگىزىلۋدە. بۇل تۋرالى ىشكى ىستەر مينيسترلىگى تەرگەۋ دەپارتامەنتىنىڭ باسشىسى سانجار ءادىلوۆ مالىمدەدى. 

«قورداي وقيعاسى بويىنشا قازىرگى ۋاقىتتا 120 قىلمىستىق ءىس قوزعالعان. ۆەدومستۆوارالىق جەدەل تەرگەۋ توبىن باس پروكۋراتۋرا باسقارادى. وكىنىشكە قاراي، قىلمىستىق-پروتسەسسۋالدىق كودەكستىڭ 201-بابىنا سايكەس تەرگەۋ امالدارى جايلى اقپاراتتى، سونىمەن قاتار قانشا ادامنىڭ قىلمىستىق جاۋاپكەرشىلىككە تارتىلىپ، قانشاسىنىڭ قاماۋعا الىنعانىن جاريالاي المايمىز»، - دەيدى سانجار ءادىلوۆ.

دەسە دە، ىشكى ىستەر مينيسترلىگى تەرگەۋ دەپارتامەنتىنىڭ باسشىسى  قوردايداعى قاقتىعىس بويىنشا قاماۋعا الىنعاندار بارىن ايتتى.

«قازىرگى ۋاقىتتا قر قىلمىستىق كودەكسىنىڭ 99-بابى (كىسى ءولتىرۋ) بابى بويىنشا 11 قىلمىستىق ءىس قوزعالعان»، - دەدى ول.

 

سوڭعى جاڭالىقتار