25 اقپان, 10:56 288 0 نۇر وتان انار لەپەسوۆا

«Jas Otan» توراعاسى شىمكەنت جاستارىمەن كەزدەستى

ەلنۇر بەيسەنباەۆ شىمكەنت قالاسىنا جۇمىس ساپارى اياسىندا قالا جاستارىمەن، جەرگىلىكتى ورگان باسشىلىعىمەن، وقۋ ورىندارىنىڭ رەكتورلارىمەن كەزدەسىپ، ستۋدەنتتەر تۇراتىن جاتاقحانالاردى ارالادى.

ساپاردىڭ ءبىرىنشى كۇنى، 23 اقپاندا ەلنۇر بەيسەنباەۆ «اينا» بازارىندا بولىپ، «Kenes ortalygy» جۇمىسىمەن تانىستى. جۇمىسشىلارمەن، تۇرعىندارمەن تىلدەسۋ بارىسىندا مەملەكەتتىڭ،  «Nur Otan» پارتياسىنىڭ، «Jas Otan» جق جۇزەگە اسىراتىن باعدارلامالارى بويىنشا اقپاراتتىق-ءتۇسىندىرۋ جۇمىستارىن جۇرگىزدى. سونداي-اق، جاستاردىڭ جۇمىس جاعدايلارىمەن تانىسىپ، كوڭىل-كۇيىن ءبىلدى، جۇرگىزىلىپ جاتقان مەملەكەتتىك جاستار ساياساتى تۋرالى پىكىرلەرىن تىڭدادى.

23 اقپاندا «Jas Otan» جق كوشباسشىسى شىمكەنتتىك جاسوتاندىقتارمەن، جاستار ۇيىمىنىڭ كوشباسشىلارىمەن بەيرەسمي كەزدەسۋ وتكىزدى.

ەلنۇر بەيسەنباەۆ: "بەلسەندىلەرمەن ءارتۇرلى تاقىرىپتارعا اڭگىمەلەستىم، سونىڭ ىشىندە جاستار قاناتىنىڭ جۇمىسى مەن ەرىكتىلەردىڭ ءبىر جىلدىق جوسپارى تالقىلاندى. قاتىسۋشى جاستار «Jas Otan» جق باعدارلامالىق قۇجاتتارىندا مىندەتتى تۇردە ەسكەرىلەتىن، ماردىمدى پىكىرلەرمەن، جاقسى ۇسىنىستار ەنگىزدى".

24 اقپان كۇنى ەلنۇر بەيسەنباەۆ وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ رەكتورىمەن كەزدەستى. كەزدەسۋ بارىسىندا «Jas Otan» جق كوشباسشىسى ۋنيۆەرسيتەت رەكتورىنا قابىلداۋ ءۇشىن العىس ءبىلدىرىپ،  ۋنيۆەرسيتەت قابىرعاسىنداعى «Jas Otan» جق فيليال جۇمىسىمەن تانىستى. سونىمەن قاتار، بەيسەنباەۆ ەلنۇر ۋنيۆەرسيتەتتىڭ ستۋدەنتتەر جاتاقحاناسىن ارالادى.

سونداي-اق، بەيسەنباەۆ ەلنۇر قالالىق ءماسليحاتتىڭ جاس دەپۋتاتتارىمەن، جاستار ۇيىمدارىنىڭ كوشباسشىلارىمەن كەزدەسۋى جوسپارلانۋدا.

ەستەرىڭىزگە سالا كەتەيىك، «Jas Otan» جق جەتەكشىسى بۇعان دەيىن پاۆلودار، اتىراۋ وبلىستارىنا، نۇر-سۇلتان قالاسىنا بارىپ، اتالعان وڭىرلەردە جاستارىمەن كەزدەسىپ، جاتاقاحانالارىنا مونيتوريگ جۇرگىزدى.

 

سوڭعى جاڭالىقتار