25 اقپان, 09:36 5125 0 زاڭ انار لەپەسوۆا

الەۋمەتتىك جەلى ارقىلى پوليتسەيلەردىڭ ۇستىنەن شاعىم تۇسىرۋگە بولادى

ماڭعىستاۋ وبلىسىندا الەۋمەتتىك جەلى ارقىلى پوليتسەيلەر جۇمىسىنا قاتىستى بارلىق ارىز-شاعىمداردى قابىلدايدى.

Polisia.kz سايتىنىڭ حابارلاۋىنشا، ماڭعىستاۋ وبلىسىندا پوليتسيا قىزمەتكەرلەرىنىڭ زاڭسىز ارەكەتتەرىنە وزىندىك قاۋىپسىزدىك باسقارماسىنىڭ باستىعىنا ەندى الەۋمەتتىك جەلىدە شاعىمدانۋعا بولادى. ماڭعىستاۋ وبلىسى پولتسيا دەپارتامەنتى وقب باستىعى ەميل رامازانوۆ Instagram پاراقشاسىن اشىپ، قازىرگى تاڭدا جۇمىسىن جۇرگىزىپ وتىر.

"حالىقپەن ديالوگ جانە ادامداردىڭ قاجەتتىلىكتەرىنە جەدەل ارەكەت ەتۋ – بۇل سىبايلاس جەمقورلىققا قارسى يممۋنيتەتتى قالىپتاستىرۋ كەزىندە قازىر باسىمدىققا يە. سونداي-اق ءىىم تاپسىرماسى بويىنشا الەۋمەتتىك جەلىلەردە جاسالعان پاراقشالار دا اشىقتىقتىڭ كۋاسى بولدى", – دەيدى ماڭعىستاۋ وبلىسى پولتسيا دەپارتامەنتى وقب باستىعى ەميل رامازانوۆ.

سىبايلاس جەمقورلىق تاۋەكەلدەرىن جويۋعا تسيفرلاندىرۋ ىقپال ەتەدى، ول مەملەكەتتىك قىزمەت كورسەتەتىن نەگىزگى پوليتسيا بولىمشەلەرى مەن باسقارمالاردىڭ جۇمىسىنا قاتىستى. پاترۋلدىك پوليتسياعا ۆيدەوجەتوندار ارقىلى قاشىقتان باقىلاۋ جۇرگىزۋ جوسپارلانىپ وتىر. وبلىستىڭ پاترۋلدىك پوليتسياسىنىڭ بارلىق ەكيپاجدارى بەينەتىركەگىشتەرمەن جابدىقتالدى. پلانشەتتەر بەلسەندى قولدانىلادى، ولاردىڭ كومەگىمەن حاتتامالار ەلەكتروندى تۇردە جاسالادى.

وزىندىك قاۋىپسىزدىك باسقارماسىندا 47-52-69 سەنىم تەلەفونى جۇمىس ىستەيدى. وسىنداي سۇراقتار بويىنشا قر ءىىم-ءنىڭ 1402 بىرىڭعاي سەنىم تەلەفونىنا حابارلاسۋعا بولاتىن ەدى، ەندى وقب باستىعىنىڭ پاراقشاسىنا دا قولجەتىمدى.

سوڭعى جاڭالىقتار