24 اقپان, 10:31 927 0 جاھان انار لەپەسوۆا

كوروناۆيرۋس: وڭتۇستىك كورەيادا قاۋىپتىلىكتىڭ قىزىل دەڭگەيى جاريالاندى

وڭتۇستىك كورەيادا جاڭا كوروناۆيرۋستان قازا تاپقاندار سانى 7 ادامعا جەتتى، ال دەرتتى جۇقتىرعاندار قاتارى تاعى 161 اداممەن تولىقتى.

ريونحاپ اگەنتتىگىنىڭ حابارلاۋىنشا، بۇگىندە ەلدە  دەرتكە شالدىققانداردىڭ جالپى سانى 763 بولدى. دەنساۋلىق ساقتاۋ ورگاندارى وكىلدەرىنىڭ ايتۋىنشا، چحوندا وڭتۇستىك-شىعىس اۋماعىنداعى ەمحاناعا بارعان 62 جاستاعى ەر ازامات جەكسەنبى كۇنى كوروناۆيرۋستان ومىردەن ءوتتى.

ەل بيلىگى ۆيرۋس تارالىپ جاتقان ەكى نەگىزگى وشاقتى اتادى، ولار – وڭتۇستىك-شىعىستاعى تەگۋ قالاسىنداعى ءدىني سەكتا مەن كورشىلەس چحونوداعى ەمحانا. ەلدەگى دەرتكە شالدىققانداردىڭ جارتىسىنان كوبى وسى اۋماقتا تىركەلگەن.

ۆيرۋس جۇقتىرعان جاڭا 161 ادامنىڭ 142-ءى سەۋلدەن وڭتۇستىك-شىعىسقا قاراي 300 كم قاشىقتىقتا ورنالاسقان تەگۋ قالاسى مەن كورشىلەس سولتۇستىك كەنساندا انىقتالدى. تاعى ءۇش وقيعا سەۋلدە تىركەلدى، دەلىنگەن كورەي اۋرۋلاردى باقىلاۋ جانە الدىن الۋ ورتالىعىنىڭ مالىمدەمەسىندە.

23 اقپاندا  وڭتۇستىك كورەيا ۆيرۋستى ەسكەرتۋ دارەجەسىن ەڭ جوعارعى – «قىزىلعا» دەيىن كوتەردى. بۇل 2009 جىلى H1N1شوشقا تۇماۋى تارالعان ۋاقىتتان بەرگى العاشقى قاۋىپ جاعدايى. «قىزىل» دەڭگەي  بيلىك وكىلدەرىنە مەكتەپتەردى ۋاقىتشا جابۋعا، وڭتۇستىك كورەيادان شىعاتىن جانە كەلەتىن رەيستەردىڭ سانىن قىسقارتۋعا مۇمكىندىك بەرەدى.

 

سوڭعى جاڭالىقتار