23 اقپان, 20:10 369 0 ەكولوگيا انار لەپەسوۆا

جايىق جاعالاۋىنان 28 توننا قوقىس جينالدى

اتىراۋدا وبلىستىق جانە قالالىق اكىمدىكتەردىڭ، سونداي-اق، كۆازيسەكتوردىڭ قىزمەتكەرلەرى قاتىسقان سەنبىلىكتە جايىق وزەنىنىڭ وڭ جاعالاۋىنان 28 توننا قوقىس جينالدى، دەپ حابارلايدى  اتىراۋ قالالىق اكىمدىگىنىڭ ءباسپاسوز قىزمەتى. 

بۇعان دەيىنگى ءبىر اپتانىڭ ىشىندە شاھار اۋماعىنان 500 توننادان استام قۇرىلىس قالدىعى شىعارىلعان. ال، ءبىر كۇننىڭ ىشىندە جايىق وزەنىنىڭ وڭ جاعالاۋىنداعى امانشين، ىسماعۇلوۆ كوشەلەرى مەن اقساي ەلدى مەكەنى 45 توننا قوقىستان تازارتىلدى.

«قازىرگى ۋاقىتتا قالا اۋماعىن قۇرىلىس قالدىقتارىنان تازارتۋ جۇمىستارى جۇرگىزىلۋدە. ءبىز تۇرعىنداردان قۇرىلىس قالدىقتارىن پوليگونعا اقىسىز الۋعا شەشىم قابىلدادىق. سەبەبى، دالاعا قوقىس شىعارۋدىڭ سالدارىنان ستيحيالىق پوليگوندار پايدا بولادى. وبلىستىق پوليتسيا دەپارتامەنتىمەن بىرلەسكەن ارنايى رەيدتەر بارىسىندا سانيتارلىق جانە ەكولوگيالىق نورمالاردىڭ بۇزىلۋىن انىقتاپ، تۇرعىندارعا ەسكەرتۋ بەرىلدى.

الدىن الا ەسكەرتۋدەن كەيىن وننان استام تۇرعىن مەن كوممەرتسيالىق نىسان يەلەرى ەسكەرتۋلەردى ءوز بەتىنشە جويدى. ال، 16 ماتەريال پوليتسياعا ءتيىستى شارا قولدانۋ ءۇشىن جىبەرىلدى» - دەدى «سپەتساۆتوبازا» جشس-ءنىڭ ديرەكتورى الماس ىزتىلەۋوۆ.

 

سوڭعى جاڭالىقتار