23 اقپان, 18:24 636 0 جاھان انار لەپەسوۆا

يدليب داعدارىسى: ەردوعان، پۋتين، ماكرون جانە مەركەل ستامبۇلدا باس قوسادى

5 ناۋرىزدا ستامبۇلدا سيريانىڭ يدليب قالاسىنداعى داعدارىستى رەتتەۋگە باعىتتالعان ءۇش جاقتى سامميت وتەدى. جيىنعا رەسەي، فراتسيا پرەزيدەنتتەرى جانە گەرمان كانتسلەرى قاتىسادى. بۇل تۋرالى تۇركيا پرەزيدەنتى رەجەپ تايىپ ەردوعان مالىمدەدى، دەپ حابارلايدى CNN Turk.

20 اقپاندا تەلەفونمەن تىلدەسۋ كەزىندە مەركەل مەن ماكرون پۋتين مەن ەردوعانعا  يدليبتاعى داعدارىستى رەتتەۋ ماسەلەسىن تالقىلاۋ ءۇشىن كەزدەسۋدى ۇسىنعان. بۇعان دەيىن 2018 جىلدىڭ قازانىندا ءتورت ەل باسشىسى كەزدەسىپ،  سيرياداعى جاعداي جونىندە سامميت وتكىزگەن ەدى.

اقپان ايىنىڭ باسىندا تۇركيا جانە رەسەي اسكەريلەرى تىنىشتىق رەجىمىن ەنگىزۋدىڭ كەزەكتى شاراسىن جاساعاننان كەيىن يدليبتەگى جاعداي ۋشىعىپ كەتتى. لاڭكەستەر ءوز شابۋىلىن ۇدەتە ءتۇستى.

11 اقپاندا تۇركيانىڭ كومەگىمەن سيريا وپپوزيتسياسى يدليبتەگى اسكەرگە شابۋىل جاسادى. رەسەي قولداۋىنا سۇيەنگەن سيريا اسكەري جاساعى بۇل شابۋىلعا تويتارىس بەردى.

تەگتەر سيريا يدليب

سوڭعى جاڭالىقتار