23 اقپان 2020, 17:31 984 0 جاھان انار لەپەسوۆا

ەرتەڭنەن باستاپ اقش گرين كارتا بەرۋ تالاپتارىن كۇشەيتەدى

24 اقپاننان باستاپ اقش بيلىگى مەملەكەتتىك جاردەماقى العىسى كەلەتىن شەتەلدىكتەرگە گرين كارتا بەرۋ تالاپتارىن قاتاڭداتپاق. بۇل تۋرالى اق ءۇيدىڭ ءباسپاسوز قىزمەتى حابارلادى.

اقش-تىڭ جوعارعى سوتى جاڭا ەرەجەلەر ەنگىزىلۋىن توقتاتۋدى تالاپ ەتكەن سوڭعى ارىزدى كەرى قايتاردى.

«ءبىز سوڭعى سوت تىيىمدارىنىڭ كۇشىن جويعان جوعارعى سوت شەشىمىن قۇپتايمىز. اقش-تىڭ ىشكى قاۋىپسىزدىك مينيسترلىگى جاڭا ەرەجەلەردى  ەنگىزۋدى دۇيسەنبىدەن باستاي الادى»، – دەلىنگەن ترام اكىمشىلىگىنىڭ مالىمدەمەسىندە.

اق ءۇي گرين كارتا بەرۋ تالاپتارىن وتكەن جىلدىڭ تامىز ايىندا قاتاڭداتقان. جاڭا ەرەجە قازان ايىندا كۇشىنە ەنۋى ءتيىس بولاتىن، الايدا ەكىنشى اۋداندىق اپپەللياتسيالىق وعان تىيىم سالدى.

Washington Post گازەتىنىڭ حابارلاۋىنشا، جىل سايىن گرين كارتا الۋعا 500 مىڭعا جۋىق ادامنان ءوتىنىش تۇسەدى. جاڭا ەرەجە 382 مىڭ ادامدى قامتىماق.

باسىلىمنىڭ دەرەگىنە سۇيەنسەك، اقش-قا وزگە مەملەكەتتەن كەلۋشىلەر ەلدەگى الەۋمەتتىك يگىلىكتەرگە قول جەتكىزگەندەردىڭ بولماشى بولىگىن قۇرايدى. يمميگراتسيالىق ستاتۋسىنا بايلانىستى شەتەلدەن قونىس اۋدارعاندار جاردەماقىلاردان، الەۋمەتتىك جەڭىلدىكتەردەن قاعىلعان.

بۇدان بۇرىن اقش-تىڭ مەملەكەتتىك دەپارتامەنتى اياعى اۋىر ايەلدەرگە ۆيزا بەرۋ ءتارتىبى كۇشەيتىلگەنىن حابارلاعان بولاتىن. ۆەدومستۆونىڭ تۇسىندىرۋىنشە، «بۇل ۇلتتىق قاۋىپسىزدىكتى جانە سالىق تولەۋشىلەردىڭ قارجىسىن ساقتاۋعا باعىتتالعان شارا».

تەگتەر اقش ۆيزا

سوڭعى جاڭالىقتار