23 اقپان, 16:39 376 0 الەۋمەت انار لەپەسوۆا

جامبىلدا مەديتسينا قىزمەتكەرلەرى تاپشى

جامبىل وبلىسىندا دارىگەر ماماندار تاپشى. قازىر وڭىرگە 250 بىلىكتى مەديتسينا قىزمەتكەرى قاجەت.

اسىرەسە اكۋشەر-گينەكولوگ، نەوناتولوگ، انەستەزيولوگ-رەانيماتولوگ، كارديولوگ ماماندار جەتىسپەي جاتىر، دەپ حابارلايدى 24.kz. 

وتكىر ماسەلەنى شەشۋ ءۇشىن ايماقتا كەشەندى شارالار قولعا الىنعان. جاس مامانداردى تۇراقتاندىرۋ ماقساتىندا جەرگىلىكتى بيۋدجەتتەن 236 ادامعا 188 ميلليون تەڭگە قارجىلاي كومەك بەرىلدى. سونداي-اق مەملەكەتتىك باعدارلامالار دا وسىعان باعىتتالىپ وتىر. «ديپلوممەن اۋىلعا» باعدارلاماسى اياسىندا سوڭعى 3 جىلدا 400-گە جۋىق جاس مامان تارتىلىپ،  الەۋمەتتىك قولداۋ كورسەتىلدى. ولاردىڭ دەنى اۋىلدى جەرلەرگە جۇمىسقا ورنالاستىرىلعان. 

"بۇدان بولەك باسپانا الۋعا جەڭىلدەتىلگەن نەسيە قارجىسى دا قاراستىرىلعان. ال اۋدان، اۋىلداردا ارەندالىق ۇيلەر مەن جاتاقحانالار، قىزمەتتىك پاتەرلەرمەن قامتىلادى. جالپى قالاداعى مەديتسينالىق مەكەمەلەرگە 124, ال اۋىلدا 126 دارىگەر كەرەك. بۇل ستاتيستيكا ارينە ءبىر كۇندە شىققان جوق. جىلدار بويى قالىپتاسىپ وتىر. سوندىقتان جۇيەنى قالىپقا كەلتىرۋ ءۇشىن جوسپارلى تۇردە ارەكەت ەتىپ جاتىرمىز", - دەيدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى جىبەك يساەۆا.  

سوڭعى جاڭالىقتار