23 اقپان, 11:28 2090 0 زاڭ انار لەپەسوۆا

جۇرتتى شۋلاتقان «گارانت 24» جانە «Estate» لومباردتارىنىڭ ديرەكتورلارى ۇستالدى

الماتىدا «گارانت 24» جانە «Estate» لومباردتارىنىڭ ديرەكتورلارى ۇستالدى.

اتالعان قارجى ۇيىمدارىنىڭ وڭىرلىك ديرەكتورلارىن قارجىلىق پيراميدا قۇردى دەگەن كۇدىكپەن پوليتسيا تۇتقىندادى، دەپ حابارلايدى Polisia.kz.

ولارعا قاتىستى قارجى پيراميداسىن ۇيىمداستىرىپ، وعان سالىمشىلاردى تارتتى دەگەن كۇدىك كەلتىرىلىپ وتىر. الدىن الا مالىمەتتەر بويىنشا اتالعان قارجى ۇيىمدارى وتكەن جىلدىڭ سوڭىنان باستاپ ارەكەت ەتە باستاعان. ولار سالىمشىلاردى ءوز ۇيىمىنا قارجى سالعان جاعدايدا قوماقتى قارجى تاباتىندارىنا سەندىرىپ، ناتيجەسىندە بوتەننىڭ مۇلكىن قىلمىستىق جولمەن يەمدەنىپ العان.

قىلمىستى ۇيىمداستىرۋشىلار قر قپك 128-بابى بويىنشا تۇتقىندالىپ، ۋاقىتشا ۇستاۋ يزولياتورىنا قامالدى.

ايتا كەتەيىك، بۇعان دەيىن قىزىلوردالىق پوليتسەيلەردىڭ قارجى پيراميداسىن قۇرعاندارعا قاتىستى قىلمىستىق ءىس قوزعاعاندىعى، شىعىس قازاقستان وبلىسىندا «گارانت 24 لومبارد» جشس سالىمشىلارى 52,5 ملن تەڭگەسىنەن ايىرىلعاندىعى جانە «گارانت 24 لومبارد» ۇيىمىنىڭ تاراز بولىمشەسىنىڭ ديرەكتورى ۇستالعاندىعى حابارلاندى.

سوڭعى جاڭالىقتار