22 اقپان, 16:38 457 0 جاڭالىقتار اسىل تۇمار

تۇركىستان وبلىسىندا جاڭا فۋتبول كلۋبى قۇرىلدى

سۋرەت عالامتوردان الىندى
سۋرەت عالامتوردان الىندى

تۇركىستان وبلىسىنىڭ «تەمىرلان» فۋتبول كلۋبى قازاقستان بىرىنشلىگىندە ونەر كورسەتە باستايدى، –  دەپ جازدى KazFootball.kz.

كوماندا زاڭدى تۇردە 2020 جىلدىڭ قاڭتار ايىندا قۇرىلعان جانە شىمكەنتتەن 40 شاقىرىم جەردە ورنالاسقان ورداباسى اۋدانىنداعى تەمىرلان اۋىلىنىڭ نامىسىن قورعايدى. ءۇي ماتچتارى كلۋب اۋىلداعى قاجىمۇقان اتىنداعى ستاديوندا وينايتىن بولادى.

«تەمىرلان» العاشقى وقۋ-جاتتىعۋ جيىنىن شىمكەنتتە وتكىزدى. كلۋب ويىنشىلاردى ىرىكتەدى جانە التى باقىلاۋ ماتچىن وينادى. كەلەسى جيىن 21 اقپان مەن 9 ناۋرىز ارالىعىندا وتەدى.

«تەمىرلاننىڭ» باس جاتتىقتىرۋشىسى بولىپ 64 جاسار قازاقستاندىق شايزيدين كەنجەباەۆ تاعايىندالدى. ونىڭ اسسيستەنتتەرى فاناس ساليموۆ جانە مانسابىن اياقتاعان راحماتۋللا جاكۋداەۆ بولدى. كوماندا قۇرامىندا تۇركىستان وبلىسىنىڭ جاس فۋتبولشىلارى بار.

2019 جىلى تۇركىستان وبلىسىندا «تۇران» فۋتبول كلۋبى اشىلادى. سونداي-اق، تۇركىستاندا جابىق ستاديون، مۇمكىندىگى شەكتەۋلى ادامدارعا ارنالعان «تۇران» سپورت كلۋبى، «تۇركىستان» كاسىبي بوكس كلۋبى، اتۋ مەكتەبى، مامانداندىرىلعان بالالار مەن جاسوسپىرىمدەر فۋتبول مەكتەبى، جوعارى سپورت شەبەرلىگى مەكتەبى سالىنادى.

سوڭعى جاڭالىقتار