21 اقپان, 14:04 2520 0 سىرتقى ساياسات باقىتبەك قادىر

موڭعوليا پرەزيدەنتى ح.باتتۋلگا قازاقستانعا رەسمي ساپارمەن كەلەدى

بيىل قازاقستاندا اباي قۇنانباەۆتىڭ 175 جىلدىعى جانە التىن وردانىڭ 750 جىلدىعى تويلانۋدا. وسىعان وراي موڭعوليا پرەزيدەنتى ح.باتتۋلگا قازاق ەلىنە وسى جىلدىڭ شىلدە ايىندا رەسمي ساپارمەن كەلەدى. بۇل تۋرالى موڭعوليانىڭ Polit.mn جانە mass.mn پورتالدارى حابارلادى.

موڭعوليا مەن قازاقستان اراسىنداعى جوعارعى دەڭگەيدەگى بايلانىستار:

1993 جىلى قازاندا قازاقستاننىڭ تۇڭعىش پرەزيدەنتى ن.نازارباەۆ موڭعول ەلىنە تۇڭعىش رەسمي ساپارمەن باردى. ساپار بارىسىندا موڭعوليانىڭ پرەزيدەنتى پ.وچيرباتپەن كەزدەسىپ، ەكى جاقتى كەلىسسوزدەر جۇرگىزدى.

1998 جىلى موڭعوليا پرەزيدەنتى ن.باگاباندي قازاقستانعا رەسمي ساپارمەن كەلدى.

1999 جىلى ەلباسى ن.نازارباەۆ موڭعولياعا ەكىنشى ساپارلارلاپ قايتتى.

2007 جىلى 14-15 تامىزدا موڭعوليا پرەزيدەنتى ن.ەنحبايار قازاقستانعا كەلدى.

2008 جىلى 6-7 تامىزدا ەلباسى ن.نازارباەۆ موڭعولياعا مەملەكەتتىك ساپارمەن باردى.

2019 جىلى 10-12 قازان كۇندەرى موڭعوليا پرەمەر-ءمينيسترى ۋحنااگين حۇرەلسۇح رەسمي ساپارمەن نۇر-سۇلتان قالاسىندا بولدى. موڭعوليا پرەمەر-ءمينيسترىنىڭ بۇل ساپارى ەكى ەل اراسىنداعى ىنتىماقتاستىقتى جاڭا ساتىعا كوتەرۋگە ىقپال ەتتى.

2020 جىلى مامىر ايىندا قازاقستان پرەمەر-ءمينيسترى اسقار مامين موڭعولياعا بارادى دەپ جوسپارلانۋدا.

موڭعوليا پرەزيدەنتى حالتمااگين باتتۋلگا جايلى قىزىقتى 10 دەرەك

  1. انجەليكا ەسىمدى ورىس ايەلمەن ۇيلەنىپ، ودان ەگىز بالا ءسۇيدى. ەگىز ۇلدارىنىڭ ەسىمى - مۇرات، مارات
  2. وقۋشى كەزىندە سۋرەتشى بولعان. ءارى سالعان سۋرەتتەرىن «بايانگول» قوناق ءۇيىنىڭ الدىندا 1 دوللارعا تۋريستەرگە ساتا باستايدى. وسى كەزدە ول اعىلشىن ءتىلىن ۇيرەنەدى.
  3. پرەزيدەنتتىك سايلاۋعا تۇسەر كەزدە سايلاۋ الدى ناسيحات جۇمىسىن بازاردان باستاپتى.
  4. دزيۋدو كۇرەس تۇرىمەن كۇرەسكەن. سامبو كۇرەسىنەن الەم چەمپيونى اتاندى (1989). موڭعوليانىڭ ەڭبەك سىڭىرگەن سپورتشىسى.
  5. موڭعوليانىڭ ميللياردەرى.
  6. موڭعوليادا لوتەريا ويناتۋدى العاش باستاعان.
  7. ۇلانباتىردا سارى جولاقتى تاكسي قىزمەتىن ىسكە قوسقان.
  8. 2002 جىلدان باستاپ ساياساتقا ارالاسا باستايدى.
  9. ۇلانباتىر قالاسىنىڭ ىرگەسىندەگى شىڭعىس حاننىڭ ەرەكشە ۇلكەن اتتى ەسكەرتكىشىن ورناتتى. مادەني كەشەن تۋريستەردى تارتۋعا ەرەكشە وراي تۋردىردى.
  10. «دەەدسين امدرال» (اقسۇيەكتەر ءومىرى), «اردچيلال» (دەموكراتيا), «مونگولىن مەدەە» (موڭعوليا جاڭالىقتارى) قاتارلى گازەتتەردى قارجىلاي قولداۋمەن بىرگە «س1» تەلەارناسىن اشقان.

ماتەريالدى دايىنداعان

باقىت بەكوۆ

 

سوڭعى جاڭالىقتار