21 اقپان, 15:00 405 0 جاڭالىقتار اسىل تۇمار

قىمباتشىلىق جونىنەن كوش باستاپ تۇرمىز – ەاەو ستاتيستيكاسى

سۋرەت عالامتوردان الىندى
سۋرەت عالامتوردان الىندى

قازاقستاندا جىلدىق ينفلياتسيا دەڭگەيى ەۋرازيالىق ەكونوميكالىق وداق ەلدەرى اراسىندا ەڭ ۇلكەن كورسەت­كىش­كە يە بولىپ وتىر. 2020 جىلدىڭ قاڭتارىنداعى جاع­داي بويىنشا تاۋارلار مەن قىزمەت باعاسىنىڭ ءوسىمى 5,6 پايىز بولعان. بۇل – ەاەو ستاتيستيكاسىنداعى ەڭ جوعارى ءوسىم، – دەپ جازدى aikyn.kz.

سونىمەن، بەلارۋستە تۇتىنۋ باعاسى ءبىر جىل ىشىندە 4,7%، قىرعىز رەسپۋبليكاسىندا – 3,2%، رەسەيدە – 2,4%، ارمەنيادا 0,2 پايىزعا قىمباتتاعان. ەاەو بو­يىنشا ينفلياتسيا 2,8% بولدى.

ازىق-تۇلىك تاۋارىنا كەلسەك، 2020 جىلدىڭ قاڭتارىندا قازاق­ستاندا باعا 9,2 پايىزعا كوتەرىلگەن. ال قىرعىز رەسپۋبليكاسىندا كورسەتكىش 5,6% بولسا، بەلارۋس­تە – 4,1%، رەسەيدە – 2%. بۇل وراي­دا ارمەنيادا ازىق-تۇلىك كەرىسىنشە 1,1%-عا ارزاندادى.

سونداي-اق ازىق-تۇلىك ەمەس تاۋارلار قۇنى جونىنەن دە قازاق­ستان وداقتا العاشقى ورىندى (5,2%) بەرمەي كەلەدى. باعا بە­لارۋستە 3,7% قۇراسا، رەسەيدە – 2,5%، ارمەنيادا – 1,7%، قىرعىز رەسپۋبليكاسىندا 0,5% قۇرادى.

بۇعان قوسا، اقىلى قىزمەت قۇنى قازاقستاندا ءبىر جىل ءىشىن­دە 1,4%-عا قىمباتتاسا، بەلا­رۋستە – 7,2%، رەسەيدە – 2,8%، ار­مەنيا­دا – 1,2%، قىرعىز رەس­پۋب­ليكا­­سىندا – 0,8% دەڭگەيىندە بولدى.

ايتا كەتەيىك، بىلتىر ينفليا­تسيا كورسەتكىشى بويىنشا دا قا­زاقستان 5,4 پايىزبەن  ەاەو-دا ال­دىڭ­­عى ورىنعا شىققان. ول كەزدە كور­سەتكىش بەلارۋستە – 4,7%، قىر­عىز رەسپۋبليكاسىندا – 3,1%، رەسەيدە – 3%، ارمەنيادا 0,7 پايىز بولدى.

سوڭعى جاڭالىقتار