20 اقپان 2020, 20:31 1104 0 رۋحانيات Túrkistan Gazeti

«قورقىت» ءانسامبلى رەكورد ورناتتى

نۇر-سۇلتان قالاسى اكىمدىگىنىڭ مەملەكەتتىك اكادەميالىق فيلار­مونياسى قۇرامىندا ونەر كورسەتەتىن «قورقىت» ەتنو ءانسامبلى رەكوردتار كىتابىنا ەندى.

ەلورداداعى حان شاتىر ساۋدا ورتالىعىندا وتكەن بۇل شارا التىن وردانىڭ 750 جىلدىعىنا وراي ءارى ۇلتتىق ونەردى ناسيحاتتاۋ ماقساتىندا ۇيىمداستىرىلعان. ءۇش ساعاتقا جال­عاسقان بۇل كەشتە ونەرپازدار دوم­بىرا، سىرناي، قوبىز، قىلقوبىز، نار­­­قوبىز جانە تاعى دا باسقا ۇلتتىق اسپاپتاردىڭ سۇيەمەلدەۋىمەن جالپى سانى 75 شىعارمانى ورىنداپ شىقتى. سونىمەن قاتار انسامبل كۇيشى­لەرى­نىڭ قازاقستاندا بۇرىن-سوڭدى بول­ماعان جاڭالىق جاساپ، نوتاعا قا­را­ماستان العاش رەت non-stop رە­جي­مىن­دە ونەر كورسەتۋى بۇل كەشكە ەرەكشە كو­ر­ىك بەردى.

انسامبل مۇشەلەرى قورقىت، سۇگىر، قازانعاپ، قۇرمانعازى ساعىربايۇلى، ءداۋ­لەتكەرەي شىعايۇلى، نۇرعيسا ءتى­لەنديەۆ پەن وزگە دە قازاق ونەرى ماي­تالماندارىنىڭ شىعارماسىن ورىن­داپ قانا قويماي، سونداي-اق شەتەل تۋىن­دىلارىن دا ورتاعا سالدى.

كەش سوڭىندا قازاقستاننىڭ گين­نەس رەكوردتار كىتابىنىڭ رەسمي وكىلى قۋان­دىق قۇدايبەرگەنوۆ انسامبل جەتەكشىسىنە رەكورد ورناتقاندى راستايتىن ارنايى سەرتيفيكات تا­بىس­تادى.

ءاليا تىلەۋجانقىزى

سوڭعى جاڭالىقتار