20 اقپان, 14:32 448 0 الەۋمەت انار لەپەسوۆا

الماتىداعى ۇشاق اپاتى: اۋەجاي ماڭىنا ءۇي سالۋعا رۇقسات بەرگەن شەنەۋنىك قامالدى

الماتى اۋەجايىنا جاقىن جەر ۋچاسكەلەرىن زاڭسىز تاراتقان شەنەۋنىك قاماۋعا الىندى. 

Sputnik قازاقستاننىڭ حابارلاۋىنشا، ەڭبەكشىقازاق اۋدانى اكىمىنىڭ ورىنباسارى رىسبەكوۆ ۋاقىتشا ۇستاۋ اباقتىسىنا قامالدى. 

ول ءۇش جىل بۇرىن الماتى اۋەجايىنا جاقىن جەرلەردە قۇرىلىس نىساندارىن سالۋعا رۇقسات بەرگەن.

الماتى وبلىسى بويىنشا سىبايلاس جەمقورلىققا قارسى ءىس-قيمىل قىزمەتى لاۋازىمىن اسىرا پايدالانۋعا قاتىستى سوتقا دەيىنگى تەرگەۋدى باستادى.

"ول 2017 جىلى تالعار اۋداندىق ساۋلەت جانە قالا قۇرىلىس ءبولىمىنىڭ باسشىسى قىزمەتىنە اتقارىپ جۇرگەندە 16 جەر ۋچاسكەسىنە قۇرىلىس سالۋدىڭ سىزبا-نۇسقاسىن زاڭسىز راسىمدەدى دەگەن كۇدىككە ءىلىندى. وسى قۇجات نەگىزىندە جۇماباەۆتىڭ اتىنا مەنشىك قۇقىعى تۋرالى قۇجاتتار جاسالدى. جالپى اۋدانى ءبىر گەكتاردى قۇرايتىن جەر ۋچاسكەلەرى تالعار اۋدانىنىڭ پانفيلوۆ اۋىلدىق وكرۋگىندە الماتى اۋەجايىنا جاقىن ورنالاسقان", - دەدى سىبايلاس جەمقورلىققا قارسى ءىس-قيمىل اگەنتتىگى اعا تەرگەۋشىسى دانيار بەكايداروۆ ەلوردادا وتكەن ءباسپاسوز ءماسليحاتىندا.

 

 

سوڭعى جاڭالىقتار