20 اقپان, 11:12 375 0 دەنساۋلىق انار لەپەسوۆا

تۇركىستاندىق دارىگەرلەر كلينيكالىق ولىمگە ۇشىراعان ناۋقاستى قۇتقاردى

كەزەكشىلىكتە بولعان تۇركىستاندىق جەدەل جاردەم بريگاداسى كلينيكالىق ولىمگە ۇشىراعان ناۋقاستى قۇتقاردى، دەپ حابارلايدى otyrar.kz  

وبلىستىق جەدەل جاردەم قىزمەتىنە بەيتانىس ايەلدىڭ قوعامدىق ورىندا قۇلاپ جاتقانى تۋرالى حابار كەلىپ تۇسەدى. قۇتقارۋ توبى 7 مينۋتتا جەتكەن. ەس-ءتۇزسىز جاتقان ايەلگە دارىگەرلەر «كلينيكالىق ءولىم» دياگنوزىن قويىپتى.

مەديتسينالىق قىزمەتكەرلەر جۇرەك-وكپە جۇمىسىن قالپىنا كەلتىرۋ ءۇشىن تەز شارا قولدانىپ، ناۋقاستىڭ بەتى بەرى قارايدى. دارىگەرلەردىڭ ارقاسىندا 41 جاستاعى ايەل كلينيكالىق ولىمنەن كەيىن تىرىلگەن. 2-ءشى توپ مۇگەدەگى دەنساۋلىعىنا قاتىستى دارىگەرلىك ەسەپتە تۇرادى. ءوز مىندەتىن ابىرويمەن ورىنداعان فەلدشەر ارمان ساعيدۋلات قوبالجىعانىن جاسىرمايدى.

«ءومىر مەن ءولىم ارپالىسىن كۇندە كوزبەن كورىپ جۇرگەن سوڭ ناۋقاستاردى قۇتقارۋدا بوتەن ويعا جول جوق. بارلىق كۇش-جىگەرىمىزدى سالىپ، دارىگەرلىك كومەك كورسەتۋ مەنىڭ مىندەتىم دەپ بىلەمىن. ءاربىر قۇتقارىلعان جان مەن ءۇشىن ۇلكەن قۋانىش»، – دەيدى تۇركىستان قالالىق مەديتسينالىق جەدەل جاردەم قىزمەتىنىڭ فەلدشەرى.

دارىگەرلەر ناۋقاستى سانيتارلىق كولىكپەن اۋرۋحاناعا جەتكىزگەن. قازىر ونىڭ جاعدايى بىرقالىپتى، ومىرىنە قاۋىپ ءتونىپ تۇرعان جوق. جىل باسىنان بەرى وبلىستىق مەديتسينالىق جەدەل جاردەم قىزمەتىنە 62 مىڭعا جۋىق شاقىرتۋ تۇسكەن. 2 ادامنىڭ ءومىرى ناقتى قاتەردەن قۇتقارىلدى.

سوڭعى جاڭالىقتار