20 اقپان 2020, 11:16 466 0 نۇر وتان اسەل انۋاربەك

ارداگەرلەر پارتيامەن بىرلەسە جۇمىس ىستەمەك

Nur Otan پارتياسىنىڭ تۇركىستان وبلىستىق فيليالىندا پارتيانىڭ «ارداگەرلەردى ارداقتايىق!» جوباسى اياسىندا «ۇرپاقتار ساباقتاستىعى» اتتى باسقوسۋ ءوتتى. ءىس-شارانى پارتيانىڭ وبلىستىق فيليالى مەن «ءتۇر­كىستان وبلىستىق اۋعان سوعىسى ارداگەرلەرى مەن ءمۇ­گەدەكتەرى كەڭەسى» قوعامدىق بىرلەستىگى بىرلەسىپ وتكىزدى.

جيىندا Nur Otan پارتيا­سى­­نىڭ تۇركىستان وب­لىس­تىق فيليالى توراعاسىنىڭ ءبى­­­رىنشى ورىنباسارى بەيسەنباي تاجىباەۆ اۋعان سوعىسى ارداگەر­لە­رىنىڭ جاس ۇرپاق­تى وتانشىلدىققا شاقىرۋعا قو­سار ۇلەسى مول ەكەنىن جەتكىزدى. پار­تيا وتانشىل، ەلدى ءبىر­لىككە شا­قىراتىن، يگى ىسكە جۇ­مىل­­دىرا­تىن اعا بۋىن وكىلدەرىن قول­داۋعا دايىن ەكەنىن مالىمدەدى.

تۇركىستان وبلىستىق اۋعان سو­­عىسى ارداگەرلەرى مەن ءمۇ­گەدەك­تەرى كەڭەسى قوعامدىق ءبى­ر­لەس­تىگىنىڭ كەڭەسشىسى بەكايدار كو­شەرباەۆ پەن اۋعان سوعىسىنىڭ ار­داگەرى، Nur Otan پارتياسىنىڭ ءتۇر­كىستان وبلىستىق فيليالىنىڭ كەڭەسشىسى قا­زىبەك تاجيەۆ ماز­مۇن­دى بايانداما جاسادى. «ءتۇر­كىستان وبلىس­تىق اۋعان سوعىسى ار­داگەرلەرى مەن مۇگەدەكتەرى كەڭە­سى» قوعامدىق بىرلەستىگىنىڭ ءتورا­عا­سى تۇرعانبەك بەگيموۆ تە قوعامدى دا­مىتۋ جونىندەگى پىكىرىن ورتاعا سال­دى. كۇن تارتىبىنە سايكەس، اردا­گەر­لەردىڭ وزەكتى ماسەلەلەرى مەن ۇرپاق تاربيەسى دە ءسوز بولدى. ەل ازا­­­ماتتارى ءوز ۇسىنىستارىن ايتتى.

جيىندا Nur Otan پار­تيا­سىنىڭ تۇركىستان وب­لىس­­تىق فيليالى مەن «تۇركىستان وب­لىستىق اۋعان سوعىسى ارداگەرلەرى مەن مۇگەدەكتەرى كەڭەسى» قوعامدىق بىرلەستىگى اراسىندا ءوزا­را ءىس-قيمىلدى ۇيىمداستىرۋ تۋرا­لى مەموراندۋمعا قول قويىل­دى. ەندى پارتيا فيليالى مەن اۋ­عان سوعىسىنىڭ ارداگەرلەرى يدەو­لوگيالىق-پاتريوتتىق باعىتتاعى ءىس-شارالاردى بىرلەسىپ اتقارادى.

ماعىنالى كەزدەسۋدە ءبىر توپ اۋعان سوعىسىنىڭ ار­دا­گەرىنە پارتيا فيليالىنىڭ ال­عىسحاتتارى تابىس ەتىلدى.

سوڭعى جاڭالىقتار