20 اقپان, 10:21 296 0 نۇر وتان Túrkistan Gazeti

پارتيانىڭ پارمەنىمەن ءبىر اۋىل گازبەن قامتىلدى

Nur Otan پارتياسىنىڭ باتىس قازاقستان وبلىسىنا قاراستى قازتالوۆ اۋداندىق فيليالى سارىقۇدىق اۋىلىن تولىعىمەن گازبەن قامتاماسىز ەتۋگە جاردەمدەستى.

سارىقۇدىق اۋىلىنداعى تاۋەل­سىزدىك كوشەسىنىڭ تۇرعىندارى گازبەن جابدىقتاۋ ماسەلەسىن شەشۋ ءۇشىن  Nur Otan پارتياسىنىڭ اۋداندىق فيليا­لىنا جۇگىنگەن بولاتىن. ايتا كەتەرلىگى، بۇل اۋىلعا 2019 جىلى گاز قۇبىرى تار­تىلعانىمەن، بويىندا فەلدشەر­لىك-اكۋشەرلىك پۋنكت جانە 18 تۇرعىن ءۇي ورنالاسقان تاۋەلسىزدىك كوشە­سىنە عا­نا گاز جۇرگىزىلمەي قالعان بولاتىن.

بۇل ماسەلەنى شەشۋ ماقساتىندا  Nur Otan پارتياسىنىڭ قازتالوۆ اۋداندىق فيليالى اۋداندىق ءماسليحات دەپۋتاتى ن.جولدىباەۆپەن كەزدەسۋ وتكىزدى. كەز­دەسۋ ناتيجەسىندە دەپۋتات قۇنى 260 000 تەڭگە تۇراتىن گازبەن جاب­دىقتاۋ جو­باسىنا قاراجاتتى ءوز قال­تاسىنان جۇم­سايتىن بولىپ كەلىسىلدى.

وسىلايشا، بيىلعى جىلدىڭ قاڭ­تار ايىنىڭ باسىندا تاۋەلسىزدىك كو­شەسىنىڭ تۇرعىندارى تولىعىمەن گاز­بەن قامتىلدى.

سوڭعى جاڭالىقتار