18 اقپان, 19:57 536 0 جاڭالىقتار اسىل تۇمار

ميتينگكە شىعاتىن ازاماتتاردىڭ قۇقىعى مەن مىندەتى قانداي؟

سۋرەت عالامتوردان الىندى
سۋرەت عالامتوردان الىندى

اقپارات جانە قوعامدىق دامۋ مينيسترلىگى ازاماتتىق قوعام ىستەرى جونىندەگى كوميتەتىنىڭ ءتورايىمى ءاليا عالىموۆا «قر-دا بەيبىت جيىنداردى ۇيىمداستىرۋ جانە وتكىزۋ ءتارتىبى» تۋرالى زاڭ جوباسىنا سايكەس ميتينگكە شىعاتىن ازاماتتاردىڭ قۇقىعى مەن مىندەتى قانداي بولاتىنىن ءتۇسىندىرىپ بەردى، – دەپ جازدى قازاقپارات.

«بىرىنشىدەن كەز كەلگەن ۇيىمداستىرۋشىنىڭ وزىندىك قوعامدىق ۇستانىمىن ءبىلدىرىپ، بەيبىت جيىن وتكىزۋگە قۇقىعى بار. سونىمەن قاتار ۇيىمداستىرۋشىنىڭ بەيبىت جيىنعا قاتىسۋشىلاردىڭ الدىنداعى ءوز مىندەتتەمەلەرى مەن جاۋاپكەرشىلىگى دە قاراستىرىلعان. البەتتە بۇل تۇرعىدا ازاماتتاردىڭ قاۋىپسىزدىگى ءۇشىن ارتىلاتىن جاۋاپكەرشىلىك تۋرالى ءسوز بولىپ وتىر. ۇيىمداستىرۋشى دا، بەيبىت جيىنعا قاتىسۋشى دا شەكتەن شىعىپ كەتپەۋى كەرەك. ياعني ولار كونستيتۋتسيالىق قۇرىلىمدى قۇلاتۋعا نەمەسە باسقا دا زورلىق-زومبىلىققا شاقىرماۋى ءتيىس. بۇل زاڭ جوباسى بەيبىت جيىنداردى وتكىزۋدىڭ ءتارتىبىن رەگلامەنتتەيدى»، – دەدى ءاليا عالىموۆا.

سونداي-اق، كوميتەت باسشىسى قاتىسۋشىلار مەن ۇيىمداستىرۋشىلاردىڭ زاڭ الدىندا جاۋاپكەرشىلىگى بىردەي ەكەنىن ەرەكشە اتاپ ءوتتى.

سوڭعى جاڭالىقتار