17 اقپان, 19:10 533 0 كولىك انار لەپەسوۆا

Bek Air ۇشقىشتارى پرەزيدەنتكە ۇندەۋ جولدادى (ۆيدەو)

وتكەن جىلدىڭ 27 جەلتوقسانىنداعى ۇشاق اپاتىنان كەيىن جولاۋشى تاسىمالداۋدى توقتاتقان Bek Air اۋە كومپانياسىنىڭ قىزمەتكەرلەرى مەملەكەت باسشىسىنا ۇندەۋ جولداپ، كومپانيا جۇمىسىن قايتا جالعاستىرۋعا قولداۋ كورسەتۋىن سۇراعان. 

الماتى ماڭىندا بولعان Fokker-100 ۇشاعى اپاتىن تەرگەۋ شارالارى جالعاسۋدا. وسىعان بايلانىستى Bek Air اۋە كومپانياسىنىڭ قىزمەتى ازىرگە توقتاپ تۇر. ال كومپانيا وپەراتور سەرتيفيكاتىنان ايىرىلۋىنا بايلانىستى ونىڭ قىزمەتكەرلەرى ۇزاق ۋاقىت بويى جۇمىسسىز وتىر، دەپ حابارلايدى Nur.kz.

بۇعان دەيىن اۋە كومپانياسىنىڭ قىزمەتكەرلەرى وسى ماسەلەگە بايلانىستى ەلباسى نۇرسۇلتان نازارباەۆتان كومەك سۇراعان. ەندى Bek Air ۇشقىشتارى، بورتسەرىكتەرى مەن ينجەنەرلەرى مەملەكەت باسشىسى قاسىم-جومارت توقاەۆقا ۇندەۋ جولدادى.

كومپانيا قىزمەتكەرلەرى پرەزيدەنتتەن وپەراتور سەرتيفيكاتىن جاڭارتۋ پروتسەسىنە قولداۋ كورسەتۋدى سۇرايدى. بەينەۇندەۋ KZ 000 YouTube-ارناسىندا جاريالاندى. قىزمەتكەرلەردىڭ ەلباسىعا جولداعان ۇندەۋى دە وسى جەردە جاريالانعانىن ايتا كەتەيىك.

ءوز ۇندەۋلەرىندە ۇشقىشتار قازاقستان اۆياتسيالىق اكىمشىلىگىنەن الىنعان راديوگرامما تۋرالى ماسەلەنى كوتەردى. قۇجاتتا وپەراتور سەرتيفيكاتىنىڭ توقتاتىلعانى ايتىلعان. قىزمەتكەرلەردىڭ سوزىنشە، تەرگەۋ ءالى كۇنگە دەيىن اياقتالعان جوق.

ولار راديوگراممادا قاا-ءنىڭ تالاپتارىنا قايشى كەلەتىن ناقتى بۇزۋشىلىقتار اتالماعانىن العا تارتۋدا.

ۇشقىشتاردىڭ ايتۋىنشا، كومپانيا اۋە ساپارلارىن جۇزەگە اسىرۋ ءۇشىن قاۋىپسىزدىگىمەن ەرەكشەلەنەتىن، سونداي-اق ايماقتىق رەيستەر ءۇشىن قولايلى Fokker-100 ۇشاقتارىن تاڭداعان.

قازىرگى تاڭدا كومپانيادا بورتىنا 108 جولاۋشىنى سىيدىرا الاتىن 9 Fokker-100 ۇشاعى بار.

سوڭعى جاڭالىقتار