17 اقپان, 16:09 628 0 زاڭ انار لەپەسوۆا

براكونەرلەر قولىنان قازا تاپقان قورىقشىنىڭ وتباسى سوتتالۋشىلاردان 29 ملن تەڭگە تالاپ ەتتى

براكونەرلەردىڭ جولىن كەسۋ كەزىندە قازا تاپقان "وحوتزووپروم" ينسپەكتورى ەرلان نۇرعاليەۆتىڭ جانۇياسى قورىقشىنى ءولتىردى دەپ ايىپتالعان ازاماتتاردان 29 ملن تەڭگە تالاپ ەتتى. 

وتكەن جىلدىڭ قاڭتار ايىندا ورىن العان وقيعا سالدارىنان ينسپەكتور ەرلان نۇرعاليەۆ پەن پەتر نيتسىك زارداپ شەككەن ەدى. وكىنىشكە قاراي، ەرلان نۇرعاليەۆ العان جاراقاتتارىنان كوز جۇمعان ەدى. 

سوت ءجارىسسوزىنىڭ الدىندا قايتىس بولعان قورىقشىنىڭ دوسى عالىمجان تاۋەكەلوۆ ءۇش ءوتىنىش تاستاپ، ازاماتتىق ارىزدى وقىدى.

"سوتتالۋشىلار مەن جاۋاپكەرلەردەن 9 ميلليون تەڭگە ءوندىرىپ الۋدى سۇرايمىن. مۇنداي سوما ەسكە الۋ تۇسكى اسىنا، قىرقىنا، جىلدىق اسىنا جانە مازار تۇرعىزۋعا جۇمسالدى. بىزدە شىعىن تۋرالى بارلىق راستايتىن قۇجاتتار بار", - دەدى ول.

ال مورالدىق شىعىن رەتىندە مارقۇم قورىقشىنىڭ جاقىندارى 20 ملن تەڭگە سۇرايدى.

تاۋەكەلوۆ ءوز وتىنىشىندە سوتتان براكونەرلىكپەن اينالىسقان سوتتالۋشىلاردى ايىپتاۋعا قاتىستى قىلمىستىق ءىستى قايتا قاراۋدى ءوتىندى.

ء"بىز قىلمىستىق ءىستى پوليتسيا قىزمەتكەرلەرى توقتاتقانىمەن كەلىسپەيمىز. بۇل تۇلعالار جاسالعان قىلمىس تۋرالى بىلە تۇرا، ءوزىنىڭ سىبايلاستارىن جاۋىپ، پوليتسياعا بولعان وقيعا تۋرالى حابارلامادى دەپ ەسەپتەيمىز. دەمەك، ولاردى جاسىرعان. سونداي-اق، ءبىز ولاردىڭ جالعان ايعاقتار بەرگەنى ءۇشىن جازالانۋىن سۇرايمىز. ولار اۋەل باستان جاڭىلىستىرۋعا الىپ كەلەتىن ايعاقتار ۇسىندى", - دەپ تولىقتىردى عالىمجان تاۋەكەلوۆ.

ءوز كەزەگىندە سوتتالۋشىلار مورالدىق شىعىن مولشەرى انىق كوبەيتىلگەنىن ايتىپ وتىر. سۋديا قايرات قاسىموۆ وتىنىشتەر مەن ارىزدى ءىس ماتەريالدارىنا قوسىپ، ۇكىم شىعارار ساتتە شەشىمدى جاريالايتىنىن مالىمدەدى.

ەسكە سالا كەتەيىك، وتكەن جىلى قاراعاندى وبلىسىنا قاراستى نۇرا اۋدانىندا براكونەرلەر شابۋىلىنان ينسپەكتور ەرلان نۇرعاليەۆ قايتىس بولدى. ونىڭ ءومىرى ءۇشىن دارىگەرلەر ءبىر تاۋلىكتەن استام ۋاقىت كۇرەسكەنىمەن، ينسپەكتوردى امان الىپ قالا المادى. 

سوڭعى جاڭالىقتار