17 اقپان, 12:21 440 0 قاۋىپسىزدىك انار لەپەسوۆا

كوكشەتاۋدا جاتاقحاناداعى ورتتەن 30 ادام قۇتقارىلىپ، 1 ادام كوز جۇمدى

كوكشەتاۋدا جاتاقحانا ورتەنىپ، ءبىر ادام كوز جۇمدى. 120 ادام (ونىڭ 25 بالا) ەۆاكۋاتسيالانىپ، 30 ادام (ونىڭ 14 بالا) قۇتقارىلدى.

اقمولا وبلىستىق تجد ءباسپاسوز قىزمەتىنىڭ مالىمەتىنشە، توتەنشە جاعداي بۇگىن تۇندە، ياعني، 17 اقپان كۇنى ساعات 02:10 شاماسىندا نازارباەۆ داڭعىلىنداعى 27-ءشى ۇيدەگى № 401 پاتەردە بولعان. ءتىلسىز جاۋدى اۋىزدىقتاۋعا تجد جەكە قۇرامىنان 43 قىزمەتكەرى مەن 12 ءورت ءسوندىرۋ تەحنيكاسى، جەدەل جاردەم قىزمەتى بريگاداسىنىڭ 25 قىزمەتكەرى مەن 9 تەحنيكاسى، كوكشەتاۋ قالالىق پب جەدەل-تەرگەۋ توبىنىڭ 15 قىزمەتكەرى مەن 5 تەحنيكاسى تارتىلدى. 5 قاباتتى، 85 پاتەرلى جاتاقحانانىڭ 4 قاباتىنداعى پاتەردەن شىققان ءورتتىڭ اۋماعى 15 شارشى مەتردى قۇرادى.

«ورتتەن 120 ادام (ونىڭ 25-ءى بالا) ەۆاكۋاتسيالانىپ، 30 ادام (ونىڭ 14-ءى بالا) قۇتقارىلدى. ءورت سوندىرۋشىلەر جەتكەنشە، اقمولا وبلىستىق كوپبەيىندى اۋرۋحاناسىنا 3 ادام جەتكىزىلدى. ولاردىڭ اراسىندا پىشاق جاراقاتىن العان 1985 جىلعى ەر ادام اۋرۋحانادا كوز جۇمدى. ال، 1981 جىلعى ايەلدىڭ وڭ قولىندا پىشاق جاراقاتى بار، 2000 جىلعى ايەلگە ءيىس تيگەن. سوڭعىسىنىڭ جاعدايىن دارىگەرلەر ورتاشا اۋىر دەپ وتىر»، دەيدى ۆەدومستۆودان.

تجد قىزمەتكەرلەرى اتاپ وتكەندەي، سونىمەن قاتار، ىستان ۋلانعان 2000 جىلعى ەر ادام (جاعدايى ورتاشا اۋىر) مەن 1963 جىلعى ايەل (اتى - ءجونى انىقتالۋ ۇستىندە، جاعدايى وتە اۋىر) كوكشەتاۋ قالالىق اۋرحاناسىنا جاتقىزىلدى. قازىرگى كەزدە ءورتتىڭ سەبەپ-سالدارى انىقتالۋ ۇستىندە.

 

سوڭعى جاڭالىقتار