14 اقپان 2020, 16:08 597 0 رۋحانيات انار لەپەسوۆا

ساعىنتاەۆ: توقسان سايىن 90 قالامگەرگە گرانت تاپسىرامىز

الماتى اكىمدىگى قالامگەرلەرگە قولداۋدى ارتتىرماق. بۇل تۋرالى التى تىلگە اۋدارىلعان قازاق ادەبيەتى انتولوگياسىن تانىستىرۋعا ارنالعان جيىندا قالا اكىمى باقىتجان ساعىنتاەۆ مالىمدەدى. 

باقىتجان ساعىنتاەۆتىڭ ايتۋىنشا، مەملەكەت تاراپىنان قازاق ادەبيەتىنە، شىعارماشىل زيالى قاۋىم وكىلدەرىنە قولداۋ كورسەتۋ جالعاسا بەرەدى.

"وتكەن جىلى جازۋشىلار وداعىنىڭ 85 جىلدىق مەرەيتويى جوعارى دەڭگەيدە ءوتتى. جەرگىلىكتى بيۋدجەت ەسەبىنەن 250 ملن تەڭگە قاراجات ءبولىنىپ، جازۋشىلار وداعىنىڭ عيماراتىنا جوندەۋ جۇمىستارى جۇرگىزىلۋدە. الماتى قالاسىندا تۇراتىن 150 اقىن-جازۋشىلار 500 مىڭ تەڭگەلىك اقشالاي گرانت سەرتيفيكاتتارىمەن ماراپاتتالسا، بيىلعى جىلى جازۋشىلار وداعىنىڭ بارلىق مۇشەلەرىن گرانتپەن تولىق قامتۋ ويىمىزدا بار. بيىل ءبىز ءار توقسان سايىن 90 اقىن-جازۋشىعا گرانت تاپسىراتىن بولامىز. بۇل ءتىزىمدى بىزگە جازۋشىلار وداعىنىڭ ءوزى ۇسىنىپ وتىرادى", - دەدى الماتى قالاسىنىڭ اكىمى.

قالا باسشىسىنىڭ دەرەگىنشە، بۇگىندە جازۋشىلار وداعىنا 820 قالامگەر مۇشە جانە ونىڭ 360-ى الماتى قالاسىنىڭ تۇرعىنى. 

سوڭعى جاڭالىقتار