14 اقپان 2020, 12:54 1166 0 ونەر Túrkistan Gazeti

م. اۋەزوۆ تەاترىنداعى شۋدى باسۋ ءۇشىن اقتوتى رايىمقۇلوۆا الماتىعا ۇشىپ باردى

بۇعان دەيىن م.اۋەزوۆ اتىنداعى قازاق مەملەكەتتىك اكادەميالىق دراما تەاترى ۇجىمى باسشىلارى ءسابيت ابدىحالىقوۆتىڭ قىزمەتىنەن قۋىلىپ جاتقاندىعىن جالپاق جۇرتقا جاريالاپ، پرەزيدەنت قاسىم-جومارت توقاەۆقا بۇل ماسەلەگە اراشا ءتۇسۋىن وتىنگەنى تۋرالى اشىق حاتىن جاريالاعان بولاتىنبىز. بۇل ماسەلەنىڭ ءمان-جايىن ءبىلۋ ماقساتىندا مادەنيەت جانە سپورت مينيسترلىگىنىڭ ءباسپاسوز حاتشىسى نۇربول قاپەشكە حابارلاسقان ەدىك.

ءباسپاسوز حاتشىسى اياق استى كوتەرىلگەن بۇل داۋ-دامايدى شەشۋ ءۇشىن قازاقستان رەسپۋبليكاسى مادەنيەت جانە سپورت ءمينيسترى اقتوتى رايىمقۇلوۆا باستاعان توپ بۇگىن ارنايى الماتىعا ۇشىپ بارعانىن مالىمدەدى.

بۇل داۋ-دامايدى ءتۇسىندىرۋ ءۇشىن بۇگىن تەاتردا ارنايى جينالىس وتكىزەمىز. ۇجىمنىڭ بۇل حاتتى جازۋ سەبەبىن انىقتايتىن بولامىز. تولىعىراق مالىمەتتى سول جينالىستان سوڭ عانا ايتا الامىن، – دەدى ءباسپاسوز حاتشىسى.

ال بۇل جينالىسقا تەاتر باسشىسى ءسابيت ابدىحالىقوۆتىڭ ءوزى قاتىسا  ما دەگەن سۇراعىمىزعا، ول كىسىنىڭ دەنساۋلىعىنا بايلانىستى دەمالىستا ەكەندىگىن ايتتى. ال اشىق حاتتا جازىلعانداي، ول كىسىنى دەنساۋلىعىنا بايلانىستى لاۋازىمىنان بوساتۋ تۋرالى ارىزدى جازۋعا ماجبۇرلەگەنىن ايتقانىمىزدا، مينيسترلىك وكىلى:

بۇل قاۋەسەتتىڭ قالاي شىققانىن، كىم شىعارعانىن انىقتاۋ ماقساتىندا بارا جاتىرمىز. بار ايتارىمىز ول كىسىنى ەشكىم دە ماجبۇرلەگەن جوق، – دەدى.

ءاليا تىلەۋجانقىزى

 

سوڭعى جاڭالىقتار