13 اقپان, 21:47 426 0 الەۋمەت ارايلىم بيمەنديەۆا

قىتايدان ەۆاكۋاتسيالانعان ازاماتتاردىڭ جاعدايى جاقسى

ەلىمىزدىڭ دەنساۋلىق ساق­تاۋ مينيسترلىگى الەمدى الاڭ­داتقان كوروناۆيرۋس بويىن­شا ەلىمىزدەگى ەپيدەميولوگيالىق جاعداي تۋرالى حابارلادى.

مينيسترلىكتىڭ مالىمەتى بويىن­شا قحر-مەن شەكارا­لاس مەملەكەتتەردەن كەلگەن ازا­مات­تارعا مونيتورينگ جاساۋ جالعاسۋدا. 2020 جىلعى 6 قاڭتاردان 11 اقپانعا دەيىن قحر-دان ەلىمىزگە 30 911 ادام كەلگەن.

دەنساۋلىق ساقتاۋ مينيسترلىگى تاۋارلار مەن قىزمەتتەردىڭ سا­پاسى مەن قاۋىپسىزدىگىن باقىلاۋ كو­ميتەتىنىڭ سانيتارلىق-كاران­تين­دىك پۋنكتتەرىنىڭ ماماندارى 6 قاڭ­تار مەن 11 اقپان ارالىعىندا حا­لىق­ارالىق اۋەجايلاردا جانە تەمىر­جول ۆوكزالدارىندا قىتايمەن شە­كا­رالاس مەملەكەتتەر ارقىلى وتكىزۋ پۋنكت­تەرىندە 30 911 ادامدى تەكسەر­دى.

تەكسەرىلگەن ادامدار اراسىندا جە­دەل رەسپيراتورلى ۆيرۋس­تى ينفەكتسيا (جرۆي) بەلگىلەرىمەن 144 ادام كوپشىلىكتەن وقشاۋلانىپ، ەم­دەۋگە جاتقىزىلعان. بۇگىندە ونىڭ 121-ءى شىعارىلدى، ال 23 ادام ستا­تسيو­نارلاردا مەديتسينالىق باقى­لاۋدا.

11 اقپان كۇنى تاڭەرتەڭ ساعات 6:05-تە نۇر-سۇلتان قالاسىنا قى­تاي­دىڭ 36 قالاسىنان 217 قازاق­ستان­دىق ازامات كەلدى. ازاماتتاردىڭ بار­لىعى مەديتسينالىق جانە زەرت­حانالىق تەكسەرۋدەن ءوتۋ ءۇشىن كەمىن­دە 3 كۇن مەرزىمگە اۋرۋحاناعا جەتكى­زىل­دى. ولاردىڭ دەنساۋلىق جاعدايى قا­ناعاتتانارلىق. ەمدەۋگە جاتقى­زىل­عانداردىڭ بارلىعىنىڭ سىنا­ما­سىن قوسىمشا باقىلاۋ ءۇشىن ال­ما­تى قالاسىنداعى م.ايقىمباەۆ اتىن­داعى اسا قاۋىپتى ينفەكتسيالار ۇلت­تىق عىلىمي ورتالىعىنا جىبە­رىل­دى. اتالعان ورتالىق جاڭا كورو­ناۆيرۋستى پتر-دياگنوستيكالاۋ ادىستەمەسىن يگەرگەن. رەسپۋبليكادا قول­داۋشى تەراپيا ءۇشىن قاجەتتى دارىلىك زاتتار مەن مەديتسينالىق ماق­ساتتاعى بۇيىمدار بار، ينفەك­تسيا­لىق اۋرۋحانالاردا وقشاۋلاۋعا ار­نالعان بوكستار بار، ورىندار، ءدا­رى­گەرلىك جانە ورتا مەديتسينا پەر­سونالى دايىندالعان.

دەنساۋلىق ساقتاۋ مينيسترلىگى جاعدايدىڭ تۇراقتى باقى­لاۋ­دا ەكەنىن ايتا كەلە، جاڭا كورونا­ۆي­رۋس ينفەكتسياسىنىڭ تارالۋىن بول­دىرماۋ ماقساتىندا الدىن الۋ شا­رالارىن ساقتاۋعا شاقىرادى. ساق­تىق شارالارى مىناداي:

– قول مەن بەتتى سابىنمەن ءجيى ءجا­نە مۇقيات جۋ;

– قولدى زالالسىزداندىرۋدا سپيرت­تى انتيسەپتيكتەردى قولدانۋ;

– ادامدار كوپ جينالاتىن ورىن­داردان اۋلاق بولۋ;

– ناۋقاس ادامدارمەن بايلانىستا بول­ماۋ;

– سۋىق تيۋ بەلگىلەرى (جوعارى تەم­پەراتۋرا، مۇرىننىڭ بىتەلۋى، ءجو­تەل، تاماقتىڭ اۋرۋى) پايدا بولعان جاع­دايدا، تۇرعىلىقتى جەر بويىن­شا دارىگەرمەن كەڭەسۋ.

قانداي دا ءبىر تۋىنداعان سۇراق­تار بويىنشا 1406 Call-ورتالىعىنا تاۋلىك بويى قوڭىراۋ شالۋعا بولادى.

سوڭعى جاڭالىقتار