30 قاڭتار 2020, 19:57 1539 0 اتاجۇرت باقىتبەك قادىر

تەڭىز كەمەسىن باسقارعان قازاق قىزى

قىتاي فلوتىنىڭ ەڭ ايبارلى «لياونين» تەڭىز كەمەسىنىڭ تىزگىنىن قازاقتىڭ قاراكوز قىزى جادىرا قابىلقىزى باسقاراتىنى جايلى قىتايدىڭ dy.163.com سايتىندا جاريا­لان­عان.

جادىرا قابىلقىزى – قحر شىڭجاڭ ولكەسىندە دۇنيەگە كەلگەن. قىتايدىڭ چانجي كوللەدجىنىڭ ەكونوميكا جانە مەنەدجمەنت ماماندىعى بويىنشا وقۋىن اياقتاعان سوڭ 2015 جىلى اسكەرگە شاقىرىلعان.

قۇرامىندا 2 مىڭعا جۋىق ادامى بار، ونىڭ ىشىندە 520 وفيتسەر قىزمەت ەتەتىن 50-گە جۋىق ۇشاق پەن تىكۇشاققا اەرودروم بولعان، قىرۋار قارۋ-جاراق تيەگەن اسكەري كەمەنىڭ تەڭىز بەن مۇحيتتاعى ەركىن ءجۇزۋى جادىرا قابىلقىزىنىڭ شەبەرلىگىنە بايلانىستى.

– مەنىڭ  جاسىمداعى نازىكجاندىلار كولىك تىزگىندەي الادى، ال مەن الىپ تەڭىزدە كەمە جۇرگىزىپ، دۇلەي داۋىلمەن  تايتالاسامىن، – دەيدى قىتاي جۋرناليستەرىنە بەرگەن سۇحباتىندا جادىرا قابىلقىزى.

جادىرا كومپيۋتەرلىك ەسەپتەۋگە جۇيرىك، سوندىقتان كەمەنىڭ قوزعالىس تراەكتورياسىن جىلدام ەسەپتەيدى ەكەن.

سوڭعى جاڭالىقتار