25 قاڭتار, 09:54 504 0 جاڭالىقتار اسىل تۇمار

ينفلياتسيا دەڭگەيى بويىنشا «چەمپيون» بولدىق – پرەزيدەنت

سۋرەت عالامتوردان الىندى
سۋرەت عالامتوردان الىندى

مەملەكەت باسشىسى قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا ەكونوميكالىق دامۋدىڭ ساپاسىنا قاتىستى ءالى دە شەشىلمەگەن ماسەلەلەر بارىن اتاپ ءوتتى. 

– 2019 جىلدىڭ 11 ايىندا جالپى ىشكى ونىمدەگى نەسيە پورتفەلىنىڭ كولەمى 23 پايىزدان 22 پايىزعا تومەندەپ كەتتى. بۇل ەكونوميكانى نەسيەلەندىرۋدى تەجەيدى. بىلتىر ەۋرازيالىق ەكونوميكالىق وداق شەڭبەرىندە ينفلياتسيا دەڭگەيى بويىنشا «چەمپيون» بولدىق. ەڭبەك ونىمدىلىگىنىڭ ايتارلىقتاي ارتپاۋى – ۇلكەن ماسەلە. بۇل – پروبلەما. شيكىزات ەكسپورتىنىڭ ۇلەسى ءجاي وسۋدە، – دەدى پرەزيدەنت.

كەڭەيتىلگەن وتىرىسقا پرەمەر-مينيستر اسقار مامين، پرەزيدەنت اكىمشىلىگىنىڭ باسشىسى ەرلان قوشانوۆ، ۇكىمەت مۇشەلەرى، نۇر-سۇلتان، الماتى، شىمكەنت قالالارى مەن وبلىستاردىڭ اكىمدەرى، ورتالىق مەملەكەتتىك ورگانداردىڭ جانە ۇلتتىق كومپانيالاردىڭ باسشىلارى قاتىستى.

سوڭعى جاڭالىقتار