24 قاڭتار, 18:18 7935 0 دەنساۋلىق انار لەپەسوۆا

سانكت-پەتەربۋرگتا دەنەسى تابىلعان قازاقستاندىق پودپولكوۆنيكتىڭ نەدەن كوز جۇمعانى انىقتالدى

قازاقستاندىق ءىىم زەينەتكەرى ۆياچەسلاۆ جەكسەنوۆتىڭ ولىمىنە زورلىق-زومبىلىق ەمەس، جازاتايىم وقيعا سەبەپ بولعان. بۇل تۋرالى قر ءسىم رەسمي وكىلى ايبەك سمادياروۆ مالىمدەدى. 

«ءبىزدىڭ ديپلوماتتار پوليتسيا ۋچاسكەسىنە بارىپ قايتتى. مالىمەتتەردىڭ ءبارىن الدىق. ول شىنىندا دا، قازاقستان ازاماتى. الدىن الا نۇسقا بويىنشا، ونىڭ اجالى زورلىق-زومبىلىقتان كەلمەگەن. ونىڭ ۇستاماسى ۇستاپ، باسپالداقتان قۇلاپ قالعان. مۇنداي اقپاراتتى بىزگە رەسەيلىك پوليتسيا قىزمەتكەرلەرى ۇسىندى»، - دەدى ايبەك سمادياروۆ ءسىم-دە وتكەن ءباسپاسوز ءماسليحاتىندا.

ايبەك سمادياروۆ بۇل وقيعاعا قاتىستى رەسەيلىك پوليتسيادان تولىمدى مالىمەت كۇتىلىپ وتىرعانىن جەتكىزدى.

ايتا كەتەيىك، سانكت-پەتەربۋرگتە 62 جاستاعى قازاقستاندىق ءىىم زەينەتكەرى ۆياچەسلاۆ جەكسەنوۆتىڭ مەرت بولعانى بۇعان دەيىن حابارلانعان ەدى. رف تەرگەۋ كوميتەتى قالالىق باس تەرگەۋ باسقارماسىنىڭ باق-پەن بايلانىس باسشىسىنىڭ اعا كومەكشىسى سەرگەي كاپيتونوۆتىڭ ايتۋىنشا، 2020 جىلدىڭ 21 قاڭتارىندا قازا تاپقان 1957 جىلى تۋعان زەينەتكەردىڭ ولىمىنە قاتىستى تەرگەۋگە دەيىنگى تەكسەرۋ جۇمىستارى ءجۇرىپ جاتىر.

«جازاتايىم جاعداي بولعان دەگەن نۇسقا بار. ول يشەميالىق اۋرۋمەن اۋىرعان. ەسىنەن تانىپ قالدى دەگەن بولجام بار. ول ءوز دەنەسىمەن بىردەي بيىكتىكتەن قۇلاپ، جابىق باس سۇيەك-مي زاقىمىن العان»، -دەدى س.كاپيتونوۆ.

 

سوڭعى جاڭالىقتار