24 قاڭتار, 11:54 737 0 زاڭ انار لەپەسوۆا

تارازدا مەكتەپ دارەتحاناسىندا وقۋشىنى زورلاعان پەدوفيلگە ۇكىم شىقتى

بۇگىن جامبىل وبلىسىنىڭ مامانداندىرىلعان اۋدانارالىق قىلمىستىق سوتىندا تارازداعى مەكتەپ دارەتحاناسىندا وقۋشى قىزدى زورلاعان ەر ادامعا ۇكىم وقىلدى، دەپ حابارلايدى Nur.kz. 

بۇل جانتۇرشىكتىرەرلىك وقيعا وتكەن جىلدىڭ قاراشا ايىندا بەلگىلى بولعان. جەتىنشى سىنىپ وقۋشىسى سىرتتاعى دارەتحاناعا بارۋ ءۇشىن ساباقتان سۇرانعان.

وسى ساتتە وعان ەر ادام تيىسكەن. ونى ءبىلىم مەكەمەسىنىڭ بارلىق بەينەباقىلاۋ كامەرالارى ءتۇسىرىپ العان. كۇدىكتى جەدەل قولعا ءتۇستى. ول ءوڭىردىڭ 38 جاستاعى جەرگىلىكتى تۇرعىنى بولىپ شىققان. بۇگىن ايىپتالۋشى سوت الدىندا جاۋاپ بەردى.

سوت ەر ادامدى كامەلەت جاسىنا تولماعان قىزعا زورلىق كورگەنى ءۇشىن ايىپتى دەپ تانىپ، وعان 25 جىلعا باس بوستاندىعىنان ايىرۋ جازاسىن بەردى. سونداي-اق قىلمىسكەرگە حيميالىق كاستراتسيا جاسالادى.

ودان بولەك، جابىرلەنۋشە تاراپقا 5 ملن تەڭگە سوماسىندا مورالدىق وتەماقى تولەنەدى.

ەسكە سالا كەتسەك، وتكەن جىلى قاراشانىڭ باسىندا 12 جاستاعى وقۋشى تارازداعى مەكتەپتە ساباق كەزىندە زورلاندى. 

سوڭعى جاڭالىقتار