22 قاڭتار, 15:28 512 0 جاھان انار لەپەسوۆا

رەسەيدە قازاقستاندىق پودپولكوۆنيك كىسى قولىنان قازا تاپتى

سانكت-پەتەربۋرگتە قازاقستاننىڭ ءىىم ورتكە قارسى قىزمەتىنىڭ 62 جاستاعى پودپولكوۆنيگى قازا تاپتى. بۇل تۋرالى رەسەيلىك باسىلىمدار حابارلادى. 

"فونتانكا" پورتالىنىڭ اقپاراتىنشا، قايتىس بولعان قازاقستاندىق وفيتسەردىڭ اتى ۆياچەسلاۆ دجەكسەنوۆ.

ەر ادامعا كەشە، 21 قاڭتاردا شابۋىل جاسالعان. بولجام بويىنشا، بەلگىسىز بىرەۋلەر وعان ارقا تۇسىنان بىرنەشە سوققى جاساعان.

دجەكسەنوۆتى شۇعىل اۋرۋحاناعا جەتكىزگەن. پورتالدىڭ دەرەگىنشە، دارىگەرلەر زارداپ شەگۋشىدەن باس جاراقاتىن انىقتاعان. اۋرۋحاناعا جەتكىزىلگەن ساتتە جاعدايى اۋىر بولعان.

رەسەيلىك دارىگەرلەر قولدارىنان كەلگەننىڭ ءبارىن جاساعان. الايدا قازاقستاندىق پودپولكوۆنيكتى امان الىپ قالۋ مۇمكىن بولماعان. دجەكسەنوۆ اۋرۋحاناعا جەتكىزىلگەن سوڭ ءبىر ساعاتتان كەيىن كوز جۇمعان.

ازىرگە قىلمىستىق ءىس قوزعالعان جوق. حابارلامادا قىلمىس بولعان جەردەن تەمەكى تۇقىلدارى تابىلعانى ايتىلعان. ءتارتىپ ساقشىلارى ولاردى دالەل رەتىندە العان. الايدا شابۋىل بولعان جەردە ەشقانداي بەينەباقىلاۋ كامەرالارى بولماعان.

"جۋرناليستسكيە راسسلەدوۆانيا" اقپاراتتىق اگەنتتىگىنە سىلتەمە جاساي وتىرىپ، باسىلىم دجەكسەنوۆتىڭ قازاقستاننىڭ ءىىم تجك-دە جۇمىس ىستەگەنىن حابارلاعان. سوڭعى جىلدارى ول زەينەتكەرلىك دەمالىستا بولىپتى.

ەر ادام 6 جىل بۇرىن رەسەيدىڭ سولتۇستىك استاناسىنا كوشىپ، سوندا كاسىپكەرلەرگە كەڭەس بەرۋمەن اينالىسقان.

تەگتەر كىسى ءولىمى

سوڭعى جاڭالىقتار