21 قاڭتار, 21:10 878 0 جاڭالىقتار اسىل تۇمار

ەرتەرەكتە بالانىڭ بولماۋى تەك ايەل­دەر­دەن دەپ قارايتىن – بۇگىندە ەرلەردىڭ 50-52 پايىزى بەلسىز

Cۋرەت دەرەككوزدەن الىندى
Cۋرەت دەرەككوزدەن الىندى

مەديتسينا عىلىمدارىنىڭ دوكتورى، پروفەسسور، الماتى قالاسىنىڭ باس ۋرولوگى مارات ماقاجانوۆ aikyn.kz سايتىنا بەرگەن سۇحباتىندا ەر ادامدار كەزدەسەتىن بەدەۋلىك پەن ونى ەمدەۋ جولدارى تۋرالى ايتىپ بەرگەن.

– سكرينگتىك تەكسەرۋ 2006 جىل­دان باستاپ 2016 جىلعا دەيىن ءجۇر­گى­زىلدى. وسى ۋاقىت ارالىعىندا 47 مىڭعا تارتا ەر-ازامات تەكسەرۋ­دەن ءوتتى. ءبىرىنشى جىلدارى ءبىزدىڭ ب.جار­بوسىنوۆ اتىنداعى ۋرولوگيا عى­لىمي ورتالىعىندا اقىسىز تەك­سەرۋ جۇرگىزىلدى. عىلىمي ورتا­لىق وسى جاۋاپتى دا ساۋاپتى ءىس ءۇشىن ۇكىمەتتەن ەشقانداي قاراجات ال­عان جوق. وسى تەكسەرۋلەردىڭ ءنا­تي­­­جەسىنە قاراعاندا، قازىر ەلىمىز بو­يىن­شا ەركەكتەر بەلسىزدىگى 50-52 پايىزعا جەتسە (بەلسىزدىكتىڭ 3 ءتۇرى بولادى), بەدەۋلىك دەڭگەيى 15 پايىزدان جوعارى بولىپ تۇر. ەگەر 15 پايىزدان تومەن بولسا، وندا بۇل قالىپتى جاعداي سانالادى. ال ودان جوعارى بولعانى – الاڭ­داي­تىنداي احۋال. سوندىقتان مۇنىڭ دەموگرافياعا كەرى اسەر ەتىپ وتىرعان جايى بار. بۇل ەكو­لو­گيانىڭ، ەر-ازاماتتار ءوز دەن­ساۋ­لىعىنا سالعىرت قاراۋىنىڭ سالدارى دەۋگە بولادى، – دەيدى مامان.

اۋرۋدىڭ دارەجەسىن دارىگەر انىقتايدى. ونى جەڭىل، ورتاشا، اسقىنعان دەپ بولۋگە بولادى. جەڭىل جانە ورتاشا ءتۇرىن جاي عانا دەنەشىنىقتىرۋ مەن سالاۋاتتى ءومىر سالتىن ۇستانۋ ارقىلى 75 پايىز­عا دەيىن ەمدەۋگە بولادى. سون­دىقتان اۋرۋى اسقىنباي، ءدارى­گەرگە نەعۇرلىم ەرتەرەك قارالعان ناۋقاستىڭ مۇمكىندىگى مول ەكەنىن ايتادى دارىگەر.

– وكى­نىش­­كە قاراي، كوبى ۋاقىتتى وتكىزىپ ءجۇرىپ الادى دا، اۋرۋدىڭ اسقىنعان تۇرىنە وتكەندە دارىگەرگە كەلەدى. بۇل كەزدە، امال جوق، وتا جاساۋعا ءماج­بۇرمىز. ب.جاربوسىنوۆ اتىن­داعى ۋرولوگيا ورتالىعىنا كەلەتىن ناۋقاستار اراسىندا بەلسىزدىك 30-40 جاس ارالىعىندا – 15 پايىز، 40-60 جاس اراسىندا – 25-30 پايىز، 60 جاستان جوعارىلاردا 70-80 پايىزعا دەيىن بارادى. بەلسىزدىكپەن كەلگەن­دەر­دىڭ 90-95 پايىزىن ەمدەۋگە بو­لادى. ولاردىڭ 10 پايىزى وتا­مەن، قالعانى ءدارى-دارمەكپەن ەمدەلەدى، – دەيدى مارات ماقاجانوۆ.

بەدەۋلىك جاعىنان العاندا شاما­مەن 40 پايىز – ەرلەر، 40 پايىز – ايەلدەر. قالعان 20 پايىز ەكەۋىن­دە دە بار بولىپ شىعاتىنىن ايتادى مامان.

– ەرتەرەكتە بالا بولماۋى تەك ايەل­دەر­دەن دەپ قارايتىن. قازىرگى ستاتيستيكا وسىنداي بولىپ تۇر. سوندىقتان بالا ءسۇيىپ، ۇرپاعىن وربىتكىسى كەلسە ەر-ازاماتتار دا ۋاقىتتى سوزباي، دەر كەزىندە دارىگەرگە تەكسەرىلۋى كەرەك. ەرلى-زايىپ­تىلار شاڭىراق كوتەر­گەن­نەن كەيىن ءبىر جىلدىڭ ىشىندە ەش­­قانداي ساقتاندىرۋ ادىستەرىن قول­­دانباعان جاعدايدا بالا بول­ما­­سا، بۇعان الاڭداۋ كەرەك. ەلدە بەدەۋلىك 15-16 پايىز بولسا، سونىڭ ءبارىن ەمدەپ شىعۋ مۇمكىن ەمەس. شامامەن، 10 پايىزىن ەمدەۋگە بو­لادى. تۋابىتكەن نەمەسە تۇ­قىم­قۋالاۋشىلىق ارقىلى بولا­­تىن بەدەۋلىكتىڭ ەمدەلۋى قيىن. ولار گەنەتيكتەر مەن رەپرودۋك­تو­لوگتارعا جۇگىنەدى. بولماعان جاع­دايدا بالا سۇيۋدەن ءۇمىتتى اتا-انا ەكو ءادىسىن قولدانادى. قازىر ەلىمىزدە وسى ادىسپەن دۇنيە ەسىگىن اشقان سابيلەر كوبەيىپ كەلەدى. ەڭ باستىسى، ەرلى-زايىپتىلار بالالى بولۋدان ءۇمىتىن ۇزبەۋ كەرەك، – دەيدى ۋرولوگ.

سوڭعى جاڭالىقتار