21 قاڭتار, 18:27 435 0 جاڭالىقتار اسىل تۇمار

الماتىدا «اقىلدى» باعدارشامدار جۇمىس ىستەيدى

سۋرەت عالامتوردان الىندى
سۋرەت عالامتوردان الىندى

ەلىمىزدىڭ «الماتى قالاسىنىڭ ەرەكشە مارتەبەسى» زاڭى اياسىندا قالا اكىمدىگى جول قوزعالىسىن باسقارۋدىڭ اۆتوماتتى جۇيەسىن ەنگىزۋ مەن پايدالانۋدىڭ جاڭا ەرەجەلەرىن ازىرلەۋدە.

الماتى قالاسى اكىمدىگىنىڭ ءباسپاسوز قىزمەتى بۇل ەرەجەلەر قالانىڭ باعدارشام جۇيەسىن مودەرنيزاتسيالاۋعا مۇمكىندىك بەرەدى. بيىل 93 باعدارشام زياتكەرلىك كولىك جۇيەسىمەن جاراقتاندىرىلادى. بۇل قۇزىرەت قالا تۇرعىندارىنىڭ، مامانداردىڭ پىكىرىن جانە حالىقارالىق تاجىريبەنى ەسكەرە وتىرىپ اكىمدىكتىڭ باستاماسى بويىنشا قولعا الىنۋدا. وسى ماسەلەگە قاتىستى جۇرگىزىلگەن زەرتتەۋلەر باعدارشامداردى جول جاعدايىنا قاراي بەيىمدەۋ قاجەت ەكەنىن كورسەتتى.

«بيىل زياتكەرلىك جۇيەنىڭ العاشقى كەزەڭىندە 93 باعدارشامدى جاراقتاندىرۋدى جوسپارلادىق، قالعانى 2022 جىلدىڭ سوڭىنا دەيىن جۇزەگە اسادى»، – دەدى الماتى قالاسى قالالىق موبيلدىلىك باسقارماسى باسشىسىنىڭ ورىنباسارى قانات بايعونىروۆ.

«اقىلدى» باعدارشامدار جولداعى قوزعالىستى ءوزى رەتتەيدى، قوندىرعى جۇرگىزۋشىلەر ءۇشىن قولايلى ۋاقىتتى (20 نەمەسە 30 سەكۋند) بولجاي الادى.

بۇدان وزگە، ق.بايعونىروۆ باعدارشامداردىڭ زياتكەرلىك جۇيەسىنىڭ جولاقتارداعى، باعىتتارداعى كولىك سانىن اۆتوماتتى تۇردە سانايتىنىن جانە كولىك جىلدامدىعىن انىقتايتىنىن ايتتى.

«كولىك اعىنىن تىركەيدى جانە سىرتقى اسەرسىز جول قوزعالىسىن رەتتەيتىن بولادى. وسىلايشا، باعدارشامدار جولداعى جاعدايعا بەيىمدەلەدى»، – دەدى قانات بايعونىروۆ.

ناتيجەسىندە «اقىلدى» باعدارشامدار «جاسىل ءدالىز» قۇرادى جانە قوزعالىس الەۋەتىنە باسىمدىق بەرەدى، ەڭ الدىمەن قوزعالىستىڭ ۇلكەن اعىنىن ازايتۋدى باسشىلىققا الادى ءارى قوعامدىق كولىك قوزعالىسىنا ىقپال ەتپەك.

سوڭعى جاڭالىقتار