21 قاڭتار, 15:22 694 0 جاڭالىقتار اسىل تۇمار

شىمكەنتتە ۇيىنە قامالىپ قالعان بۇلدىرشىندەر قۇتقارىلدى

سۋرەت عالامتوردان الىندى
سۋرەت عالامتوردان الىندى

شىمكەنتتەگى توتەنشە جاعدايلار دەپارتامەنتىنىڭ قۇتقارۋ قىزمەتى پاتەر ەسىگىن ىشتەن جاۋىپ، اشا الماي قالعان بالالاردى قۇتقاردى.

وقيعا بۇگىن ساعات 12:06-دا كوپقاباتتى ۇيلەردىڭ بىرىندە بولعان. وقيعا ورنىنا جەتكەن ماماندار پاتەرلەردىڭ بىرىندە ەرەسەك ادامنىڭ قاراۋىنسىز قالعان 3 ءبۇلدىرشىننىڭ ەسىكتى اشا الماي وتىرعانىن انىقتايدى. ولار ءتيىستى اسپاپتاردىڭ كومەگىمەن ەسىكتى سىرتىنان اشقان.

وسىعان ۇقساس تاعى ءبىر وقيعا ورىن العان، 2 جاسار بالا پاتەردىڭ ەسىگىن ىشكى جاعىنان جاۋىپ، اشا الماعان. وعان قوسا اناسى گاز پليتادا تاماق دايىندالىپ جاتقانىن ايتقان. وقيعا ورنىنا جەدەل كەلگەن قۇتقارۋشىلار باسپالداقتىڭ كومەگىمەن بالكون ارقىلى پاتەرگە كىرىپ، بالانى امان-ەسەن اناسىنا تاپسىردى.

سوڭعى جاڭالىقتار