21 قاڭتار, 13:36 322 0 جاڭالىقتار اسىل تۇمار

بۇگىن «قازاق حاندىعى. الماس قىلىش» ءفيلمى ومبىدا كورسەتىلەدى

سۋرەت عالامتوردان الىندى
سۋرەت عالامتوردان الىندى

بۇگىن ومبى قالاسىنىڭ تۇرعىندارىنا رەسەيدەگى قازاقستان كينوسى فەستيۆالى اياسىندا «قازاق حاندىعى. الماس قىلىش» ءفيلمى ۇسىنىلادى، – دەپ حابارلادى «قازاقفيلمنىڭ» ءباسپاسوز قىزمەتى.

«2020 جىلدىڭ 21 قاڭتار كۇنى ومبى قالاسىنىڭ «ۆاۆيلون» كينو ورتالىعىندا رەسەيدەگى قازاقستان كينوسى فەستيۆالى اياسىندا قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن «قازاق حاندىعى. الماس قىلىش» ءفيلمى كورسەتىلەدى. كينوتۋىندىنىڭ كورسەتىلىمىنە ومبى قالاسىنداعى قر باس كونسۋلى جانە باسقا دا قۇرمەتتى قوناقتار شاقىرىلعان» دەلىنگەن رەسمي اقپاراتتا.

تاريحي فيلم كورەرمەنگە قازاق تىلىندە ۇسىنىلماق. بۇل تۋىندى ءىلياس ەسەنبەرليننىڭ «الماس قىلىش» رومانىنىڭ نەگىزىندە جازىلعان «قازاق حاندىعى» كينوديولوگياسىنىڭ ءبىرىنشى ءبولىمى. فيلمدە XV عاسىردا قازاق حاندىعىنىڭ قۇرىلۋى جانە جانىبەك پەن كەرەي سۇلتاندار بيلىك قۇرعان كەزەڭدەر قامتىلعان. رەجيسسەرى – قازاقستاننىڭ ەڭبەك سىڭىرگەن قايراتكەرى، كينورەجيسسەر، ستسەناريست ءارى سۋرەتشى رۇستەم ابدىراشەۆ.

«قازاق حاندىعى» جوباسىنىڭ يدەيا اۆتورى – تۇڭعىش پرەزيدەنت، ەلباسى نۇرسۇلتان نازارباەۆ.

سوڭعى جاڭالىقتار